Belgili qoǵam belsendisi áleýmettik jelide taraǵan daýly oqiǵaǵa bailanysty qatań málimdeme jasap, quqyq qorǵaý organdaryn iske aralasýǵa shaqyrdy, dep habarlaidy dalanews.kz.
Onyń aitýynsha, sońǵy ýaqytta rezerv akkaýnttar arqyly túrli aqparattar ádeii taratylyp jatqan kórinedi. Belsendiniń sózinshe, bul jaǵdai jai ǵana haip nemese aýditoriia jinaý áreketi bolyp qalmaýy kerek.
«Myna sońǵy akkaýnttardy ashqan basqa rezerv akkaýnttar sonymen tastalyp jatyr. Endi bularǵa meniń aitarym, quzyrly organdar osy isti qatań baqylaýǵa alyp, tolyq tekserý júrgizýi kerek. Mán jaiyn anyqtaý qajet. Sebebi eń keminde Qylmystyq kodekstiń 274-baby boiynsha, iaǵni jalǵan aqparat taratý deregimen qylmystyq is qozǵap, jaza berý kerek dep oilaimyn», - dedi ol.
Sonymen qatar ol Ishki ister ministrligin, prokýratýrany jáne Almaty politsiia departamentin arnaiy belgilep, bul jaǵdaidy nazardan tys qaldyrmaýǵa shaqyrdy.
«Bul máseleni jai qaldyrýǵa bolmaidy. Óitkeni bul jaǵdai “Balapan” arnasyna da úlken repýtatsiialyq soqqy bolyp tidi. Milliondaǵan adam kórdi. Bútin bir arnanyń atyna kir keltirip otyr. Bul jerde qoǵamdaǵy aýyr máseleni haipqa ainaldyrý áreketi baiqalady», - dedi belsendi.
Onyń sózinshe, kei paraqshalar oqiǵanyń ózin emes, onyń ainalasyndaǵy shýdy paidalanyp, aýditoriia men qaralym jinaýǵa tyrysqan.
«Olar halyqtyń aldynda osyndai aýyr máselelerdi jeńil kontentke ainaldyryp otyr. Podpischik jinaý, qaralym kóterý úshin paidalandy. Tipti óz storisterinde sony ashyq aityp otyr. Másele oqiǵanyń bolǵanynda ne bolmaǵanynda emes. Eger ras bolsa, ony quqyq qorǵaý organdary anyqtaidy. Al eger jalǵan bolsa, onda bir ǵana bap emes, birneshe bap boiynsha jaýapkershilik bolýy kerek», - dedi ol.
Belsendi mundai áreketter toqtamasa, qoǵamda qaýipti úrdis qalyptasýy múmkin ekenin aitty.
«Eger osyndai ataqqumar áreketterge tosqaýyl qoimasaq, erteń jastar kúnde osyndai nárselerdi oidan shyǵara beredi. Qoǵam bizdiń qolymyzda. Eldiń bolashaǵy osyndai máselelerge qalai qaraitynymyzǵa bailanysty», - dedi ol.
