Jetisý oblysynda internet-alaiaqtyqpen ainalysqan uiymdasqan qylmystyq top ustaldy. Bul týraly oblystyq prokýratýra málimdedi, dep habarlaidy Dalanews.kz.
Alaiaqtar ózderin bank qyzmetkerleri retinde tanystyryp, telefon arqyly azamattardy aldap soqqan. Olar senimge ie bolǵannan keiin jábirlenýshilerge uialy telefondaryna «AnyDesk» qosymshasyn ornatýdy usynyp, qashyqtan qol jetkizýdi qamtamasyz etken.
Osylaisha, qylmyskerler azamattardyń banktik qosymshalaryn paidalanyp, olardyń atyna nesie rásimdegen.
Tergeý barysynda elimizdiń ár óńirinen 40-tan astam turǵynnyń zardap shekkeni belgili boldy. Keltirilgen jalpy shyǵyn kólemi 70 million teńgeden asty.
Qazir sotqa deiingi tergeý aiaqtalyp, qylmystyq is sotqa joldandy.
