Almatydaǵy Butaq shatqalynda injenerlik jelilerdi salý jumystary bastaldy, dep habarlaidy dalanews.kz.
Joba qalalyq energetika jáne sýmen jabdyqtaý basqarmasynyń tapsyrysymen júzege asyrylýda. Ol týristik infraqurylymdy damytý, taý bókterindegi demalys oryndarynyń qaýipsizdigi men jailylyǵyn arttyrý maqsatynda orta qysymdy gaz qubyry men káriz jelilerin tartýdy kózdeidi.
Joba aiasynda jalpy uzyndyǵy 2,7 shaqyrym bolatyn gaz qubyry salynady. Onyń bir bóligi bolat qubyrlar arqyly jer ústimen, al qalǵan bóligi zamanaýi polietilen qubyrlaryn paidalana otyryp jer astymen júrgiziledi.
Sonymen qatar sý burý jelileriniń qurylysy qatar atqarylyp jatyr. Qazirdiń ózinde merdiger uiym qubyrlardyń alǵashqy bólikterin ornatyp, temirbeton qudyqtardy salǵan.
Qala ákimdigi infraqurylym nysandaryn salý kezinde senimdilikke, ekologiialyq qaýipsizdikke jáne turaqtylyqqa basymdyq berilip otyrǵanyn málimdedi. Barlyq jumys jobalyq qujattamaǵa jáne qurylys normalaryna sáikes júrgizilýde.
Qurylys kezeńinde keibir ýchaskelerde arnaiy tehnikanyń qozǵalysyna bailanysty ýaqytsha shekteýler engizilýi múmkin. Joba 2026 jyldyń qarasha aiynyń sońyna deiin aiaqtalady dep josparlanyp otyr.
