جەتىسۋ وبلىسىندا ينتەرنەت-الاياقتىقپەن اينالىسقان ۇيىمداسقان قىلمىستىق توپ ۇستالدى. بۇل تۋرالى وبلىستىق پروكۋراتۋرا مالىمدەدى، دەپ حابارلايدى Dalanews.kz.

الاياقتار وزدەرىن بانك قىزمەتكەرلەرى رەتىندە تانىستىرىپ، تەلەفون ارقىلى ازاماتتاردى الداپ سوققان. ولار سەنىمگە يە بولعاننان كەيىن جابىرلەنۋشىلەرگە ۇيالى تەلەفوندارىنا «AnyDesk» قوسىمشاسىن ورناتۋدى ۇسىنىپ، قاشىقتان قول جەتكىزۋدى قامتاماسىز ەتكەن.

وسىلايشا، قىلمىسكەرلەر ازاماتتاردىڭ بانكتىك قوسىمشالارىن پايدالانىپ، ولاردىڭ اتىنا نەسيە راسىمدەگەن.

تەرگەۋ بارىسىندا ەلىمىزدىڭ ءار وڭىرىنەن 40-تان استام تۇرعىننىڭ زارداپ شەككەنى بەلگىلى بولدى. كەلتىرىلگەن جالپى شىعىن كولەمى 70 ميلليون تەڭگەدەن استى.

ءقازىر سوتقا دەيىنگى تەرگەۋ اياقتالىپ، قىلمىستىق ءىس سوتقا جولداندى.