Aita keteiik, Erwinia amylovora – jemis aǵashtarynda bakteriialyq kúidirgini týdyratyn erekshe qaýipti qozdyrǵysh. Bakteriia ásirese alma men almurt aǵashtary úshin qaýipti jáne bar bolǵany 2 maýsymnyń ishinde baqshanyń jappai búlinýine ákelýi múmkin.
Búginde bakteriialyq kúiiktiń taralyp ketken túrlerine tiimdi em joq, tek erte diagnostikalaý arqyly ǵana onyń aldyn alýǵa bolady. Al endi ázirlengen LAMP diagnostikalyq júiesi jemis aǵashtaryn saqtaýǵa kómektesedi.
– Biz ázirlegen LAMP negizindegi bakteriialardy anyqtaýdyń jańa júiesi qazirgi kezde qoldanylatyn klassikalyq PTR-men salystyrǵanda 100-1000 ese sezimtal. Sezimtaldyqtan basqa, PTR-dan aiyrmashylyǵy – LAMP tehnologiiasy qoldanýǵa yńǵaily, dala jaǵdailaryna ońai beiimdeledi, sonymen qatar qymbat reagentter men jabdyqtardy qajet etpeidi.
Salystyrmaly túrde bakteriialyq kúiikti anyqtaýǵa arnalǵan bizdiń test-júiemizdiń bir synama quny 6 000 teńge, aǵylshyn zerthanasynda 31 000 teńge, shveitsariialyq zerthanada 57 000 teńge turady. Osy arzan test-júielerdiń kómegimen ár baǵban erte diagnostikaǵa qol jetkize alady. Eger úi baqshalary ózdiginen qalyp qoisa, onda olar jabaiy alma aǵashtaryn juqtyrý qaýipi bar. Al bizdiń elimizde jabaiy alma aǵashtarynyń arasynda dúniejúzilik mura – Sivers alma aǵashy ósedi, ony saqtaý kerek, – deidi QR BǴM M.A. Aithojin atyndaǵy Molekýlalyq biologiia jáne biohimiia institýtynyń biology Nurbol Ǵaliaqparov.
Qazirgi ýaqytta M.A. Aithojin Molekýlalyq biologiia jáne biohimiia institýtynyń ǵalymdary jabaiy alma aǵashtarynda Erwinia amylovora bakteriiasyn anyqtaý boiynsha jumys júrgizip, bakteriialyq kúiiktiń t taralýyn boldyrmaý, onyń ishinde jańa test-júielerdi paidalaný úshin praktikalyq usynystar ázirlep jatyr.
