Ulttyń uly ustazy
Boilarynda otanǵa, elge, jerge degen súiispenshilikteri joǵary, otanshyldyqpen rýhtanyp, barlyǵyn óz qara qamy emes keleshek urpaq qamy úshin qanyn tógip, jan beristi. Osyndai rýhty tulǵalardyń, bilimdi, parasatty babalarymyzdyń eńbegin oqyp, qasterlep-qadirleý árbir isi qazaqtyń paryzy. Bile bilsek biz solardyń aldynda basymyzdy iip, taǵzym etýimiz kerek. Qarap tursańyz qazaqtyń mańdaiyna shoqtyǵy biik nebir asyl azamattardy berdi. Solardy baǵalap baǵasyn berer urpaqtary bar bolǵai!
Bir basynda sonshama taýsylmaityn bilim men ilimi kóp, rýhani mádeniettiliktiń máiegine ainalǵan mirdiń oǵyndai oqshaýlanyp dara jaratylǵan daryndy uly tulǵalardyń biri ol - Ahmet Baitursynuly. Kitap betin ashqan saiyn bilim degen tuńǵiyqqa kiretiniń belgili. Sol siiaqty Ahmet Baitursynulynyń álemi de erekshe jáne óte tereń. Urpaq taǵdyryna bei-jai qarai salatyn salǵyrt adam sanatynan emes. Kerisinshe bar ǵumyry men eńbekterin sol jolda sarp etkizip, jarqyraǵan jasampazdyqqa umtyldy. Órkenietti ulttyń táýelsizdigin armandady. Búginde ulynyń eńbekterin qanshama ziialy qaýym ókilderi zerttep-zerdeleýmen keledi.
Qazaqtyń qazaq bolyp qalyptasýyna qazirgi tilmen aitqan ózindik iri tyń bastamalarymen bastap, tujyrymdy túrli baǵdarlamalaryn iske asyrýda aianbai ter tógip eńbek etken uly tulǵa, qoǵam qairatkeri, aqynnyń týǵanyna biyl 150 jyl. Qazaq batyry Baýyrjan Momyshulynyń aitqan sózi bar: "Ana sútimen sińirgen ana tilimizdi bilmeý-barlyq ata-babalarymyzdy, búkil tarihymyzdy umytý degendi bildiredi"-demekshi naǵyz halyq janashyry, ásirese til janashyry bolyp ǵana qoimai jan-jaqty talantty da qabiletti boldy.
Qazaq tarihynda tereń iz jáne óshpestei san ǵasyrlyq mol murasymen qalǵan qoǵam qairatkerin keleshek urpaqqa nasihattaýda jáne jyl saiyn uiymdastyrylatyn respýblikalyq "Bir el-bir kitap" aktsiiasy aiasynda biyl aqynnyń shyǵarmashylyǵy tańdaldy. Osyǵan orai Almaty oblysy kitaphanalarynda da tarihi maǵynasy tereń túrli mádeni is-sharalar ótýde. Sáken Seifýllin atyndaǵy Almaty oblystyq ámbebap kitaphanasynda «Alashtyń nary Ahmet» eske alý keshi, "Álippeni aialaǵan Ahmet" respýblikalyq ǵylymi-tájiribelik sharasy elimizdiń túkper-túkpirinen 20-ǵa jýyq adam qatysyp, túrli taqyrypta baiandama jasap, maǵlumattar berilse, sondai-aq aqynnyń naqyl sózderi boiynsha «Oi aǵyny» atty ailyq saiystary uiymdastyrylyp ótýde. Sonymen qatar Aqsý aýdany, Qyzylaǵash aýyldyq kitaphanasynda "Dáýirdiń jaryq juldyzy – Ahmet Baitursynuly" eske alý keshi, Jambyl aýdany, Aqterek aýyldyq kitaphanasynda"Ulttyń uly ustazy" atty ádebi tanymdyq kesh, Balǵabek Qydyrbekuly aýyldyq kitaphanasynda "Uly dala tulǵasy" dóńgelek ústel, Ile aýdandyq kitaphanasynda «Ulttyq ádebietimizdiń altyn dińgegi» mektep oqýshylary men kópshilik oqyrmandardyń qatysýymen dóńgelek ústel, Eskeldi aýdany, Aqyn Sara aýyldyq kitaphanasynda «Til – biliminiń atasy» tulǵataný saǵaty, Qaratal aýdandyq kitaphanasynda «Ahmet Baitursynuly–Ult ustazy» dóńgelek ústel, Qarasai aýdany, №6 bólimshesi Umtyl aýyldyq kitaphanasynda "Dara tulǵa" dóńgelek ústel ótti. Árbir oqyrmannyń sanasyna ultymyzdyń namysshyl, rýhty uly, qaimyqpas qairatkerdiń árbir jasaǵan eńbekteri týraly aqparat berip, eljandylyq namysyn oiatýda kitaphana qyzmetkerleri aianbai qyzmet kórsetýde.
Ultynyń uly ustazyna ainalýy da úlken tarih. Ulty úshin kúresken namysshyl qairatkerdiń jasampazdyq jolyndaǵy san ǵasyrlyq tarihi mánin joǵaltpaityn uly isteri eshqashan eskirmeidi. Sóz sońynda osyndai uly tulǵany ulyqtap urpaqtan-urpaqqa amanattaý bizdiń paryz. Ultym dep soqqan árbir qazaqtyń júreginde jáne parasatty da bilimdi urpaǵy turǵanda esimi máńgi saqtalary sózsiz.
Laýra Japsarbaeva, Sáken Seifýllin atyndaǵy Almaty oblystyq kitaphana qyzmetkeri
Almaty oblysy, Taldyqorǵan qalasy
