Resei Ýkrainaǵa munai ónimderin tasymaldaýdy toqtatqanymen, ýkrainalyq áskeri kúshterde munai tapshylyǵy baiqalmaǵan. Iaǵni, «janarmai jetkizilimderimen problema joq» dep otyr reseilik sarapshylar
Ýkrainaǵa janarmai jetkizetin negizgi kózderiniń biri – Rýmyniia. Onda 2 munai óńdeý zaýyty ornalasqan. Olar – Petromidia i Vega. Ekeýi de Rompetrol kompaniiasynyń qaramaǵynda (kompaniia aktsiialarynyń 100%-y «QazMunaiGaz» ulttyq kompaniiasyna tiesili).
Reseilik sarapshylarynyń aitýynsha, bul zaýyttarǵa munai Qazaqstannan jetkiziletin kórinedi. Al jetkizilim tizbeginiń basynda KQK tur.
Iri saiasi «Nezygar» atty telegram-arnasy Resei biliginiń KQK-ny natsionalizatsiialap, qazaqstandyq munai eksportyna jol jabý múmkindikterin qarastyrý jónindegi sheshimderdi júzege asyrý týraly sóz qozǵaýda.
Sonda Resei biliginiń KQK-ny natsionalizatsialaý týraly sheshimderi qashan qabyldanǵan?
Nege bul týraly Qazaqstan tarapynan eshbir málimet jasalmai otyr? Kaspii qubyr konsortsiýmynda bizdiń de úlesimiz bar emes pe? Álde ony da satyp jiberdik pa?
Sonda Resei bul konsortsiýymdy kúshpen tartyp almaq qoi, solai ma? Mundai málimdemeler Qazaqstan biligi jaǵynan jaýapsyz qalmaýy tiis. Sebebi munai eksporty Qazaqstan ekonomikasynyń 1/3 bóligin qamtamasyz etedi. Al RF arqyly munaidyń barlyq eksporttyq jetkizilimderiniń 94%-y ótedi.
Muhtar TÚMENBAI, jýrnalist.
