رەسەيلىك بۇقارالىق اقپارات قۇرالدارىندا كاسپيي قۇبىر كونسورسيۋمىن (كقك) ۇلتتاندىرۋ (ناسيوناليزاسيالاۋ) قاجەتتىگى جونىندە ماقالالار پايدا بولا باستادى.

رەسەي ۋكرايناعا مۇناي ونىمدەرىن تاسىمالداۋدى توقتاتقانىمەن، ۋكراينالىق اسكەري كۇشتەردە مۇناي تاپشىلىعى بايقالماعان. ياعني، «جانارماي جەتكىزىلىمدەرىمەن پروبلەما جوق» دەپ وتىر رەسەيلىك ساراپشىلار

ۋكرايناعا جانارماي جەتكىزەتىن نەگىزگى كوزدەرىنىڭ ءبىرى – رۋمىنيا. وندا 2 مۇناي وڭدەۋ زاۋىتى ورنالاسقان. ولار – Petromidia ي Vega. ەكەۋى دە Rompetrol كومپانياسىنىڭ قاراماعىندا (كومپانيا اكسيالارىنىڭ 100%-ى «قازمۇنايگاز» ۇلتتىق كومپانياسىنا تيەسىلى).

رەسەيلىك ساراپشىلارىنىڭ ايتۋىنشا، بۇل زاۋىتتارعا مۇناي قازاقستاننان جەتكىزىلەتىن كورىنەدى. ال جەتكىزىلىم تىزبەگىنىڭ باسىندا كقك تۇر.

ءىرى ساياسي «نەزىگار» اتتى تەلەگرام-ارناسى رەسەي بيلىگىنىڭ  كقك-نى ناسيوناليزاسيالاپ، قازاقستاندىق مۇناي ەكسپورتىنا جول جابۋ مۇمكىندىكتەرىن قاراستىرۋ جونىندەگى شەشىمدەردى جۇزەگە اسىرۋ تۋرالى ءسوز قوزعاۋدا.

سوندا رەسەي بيلىگىنىڭ  كقك-نى ناسيوناليزاسيالاۋ تۋرالى شەشىمدەرى قاشان قابىلدانعان؟

نەگە بۇل تۋرالى قازاقستان تاراپىنان ەشبىر مالىمەت جاسالماي وتىر؟ كاسپيي قۇبىر كونسورسيۋمىندا ءبىزدىڭ دە ۇلەسىمىز بار ەمەس پە؟ الدە ونى دا ساتىپ جىبەردىك پا؟

سوندا رەسەي بۇل كونسورسيۋىمدى كۇشپەن تارتىپ الماق قوي، سولاي ما؟ مۇنداي مالىمدەمەلەر قازاقستان بيلىگى جاعىنان جاۋاپسىز قالماۋى ءتيىس. سەبەبى مۇناي ەكسپورتى قازاقستان ەكونوميكاسىنىڭ 1/3 بولىگىن قامتاماسىز ەتەدى. ال رف ارقىلى مۇنايدىڭ بارلىق ەكسپورتتىق جەتكىزىلىمدەرىنىڭ 94%-ى وتەدى.

مۇحتار تۇمەنباي، جۋرناليست.