Almatydaǵy «Baısat» kóterme-bólshek saýda ortalyǵy úshinshi ret elektrondy aýksıonǵa qoıyldy, dep habarlaıdy Dalanews.kz.

Qaıtarylǵan aktıvterdi basqarý jónindegi kompanıanyń málimetinshe, memlekettik sauda.e-qazyna.kz platformasynda «Sentr optovo-roznıchnoı torgovlı» JSHS-degi úlesti satý boıynsha qaıta saýda jarıalanǵan. Aýksıon 5 aqpanda saǵat 12:00-de ótedi. Bastapqy baǵa – 24,7 mlrd teńge.

Sonymen qatar elektrondy saýdaǵa kádesyı monetalar, zergerlik buıymdar men saǵattar da shyǵarylǵan. Jalpy sany 40 lot 20, 23 jáne 28 qańtar kúnderi ótetin aýksıondarǵa qoıylyp otyr. Barlyq aktıvterdiń jıyntyq bastapqy quny – 520,8 mln teńge.

Aıta keteıik, bul nysan alǵash ret qyrkúıek aıynda 28,6 mlrd teńgeden saýdaǵa shyǵarylǵan. Jeltoqsanda ekinshi ret aýksıon jarıalanyp, baǵa 26,7 mlrd teńgege tómendegen edi. Bul joly «Baısattyń» quny taǵy arzandap otyr.