Reseidiń «12-arnasy» telearnasynyń kommentatory Maksim Grechanin efir kezinde qazaqstandyq jas hokkeishilerge qatysty beiádep ári qorlaityn sózder aityp qoiǵan. Oqiǵa 12 qańtar kúni «Sibir» – «Astana» matchynyń aldynda bolǵan, dep habarlaidy Dala News.
Áleýmettik jelilerde taraǵan videoda mikrofon óshirilmegen sátte kommentatordyń Qazaqstannan kelgen balalarǵa qatysty dóreki pikir bildirgeni estiledi. Jazba tez arada jelige tarap, qoǵamda úlken rezonans týdyrdy.
Keiin Maksim Grechanin keshirim suraǵanymen, jas sportshylardyń ata-analary resmi shaǵym túsirgen. Aqparatqa sáikes, ol efirlerden ýaqytsha shettetilgen.
Quqyq qorǵaý salasynyń mamandary bul jaǵdaidyń quqyqtyq saldary bolýy múmkin ekenin joqqa shyǵarmaidy. Iýristerdiń aitýynsha, balalarǵa qatysty qorlaý faktisi boiynsha qylmystyq jaýapkershilik máselesi de qarastyrylýy yqtimal.
Oqiǵa qazaqstandyq jankúierler arasynda keń talqylanyp, sporttaǵy ádep pen kásibi jaýapkershilik máselesin qaita kóterdi.
