رەسەيدٸڭ «12-ارناسى» تەلەارناسىنىڭ كوممەنتاتورى ماكسيم گرەچانين ەفير كەزٸندە قازاقستاندىق جاس حوككەيشٸلەرگە قاتىستى بەيەدەپ ەرٸ قورلايتىن سٶزدەر ايتىپ قويعان. وقيعا 12 قاڭتار كٷنٸ «سيبير» – «استانا» ماتچىنىڭ الدىندا بولعان, دەپ حابارلايدى Dala News.
ەلەۋمەتتٸك جەلٸلەردە تاراعان ۆيدەودا ميكروفون ٶشٸرٸلمەگەن سەتتە كوممەنتاتوردىڭ قازاقستاننان كەلگەن بالالارعا قاتىستى دٶرەكٸ پٸكٸر بٸلدٸرگەنٸ ەستٸلەدٸ. جازبا تەز ارادا جەلٸگە تاراپ, قوعامدا ٷلكەن رەزونانس تۋدىردى.
كەيٸن ماكسيم گرەچانين كەشٸرٸم سۇراعانىمەن, جاس سپورتشىلاردىڭ اتا-انالارى رەسمي شاعىم تٷسٸرگەن. اقپاراتقا سەيكەس, ول ەفيرلەردەن ۋاقىتشا شەتتەتٸلگەن.
قۇقىق قورعاۋ سالاسىنىڭ ماماندارى بۇل جاعدايدىڭ قۇقىقتىق سالدارى بولۋى مٷمكٸن ەكەنٸن جوققا شىعارمايدى. يۋريستەردٸڭ ايتۋىنشا, بالالارعا قاتىستى قورلاۋ فاكتٸسٸ بويىنشا قىلمىستىق جاۋاپكەرشٸلٸك مەسەلەسٸ دە قاراستىرىلۋى ىقتيمال.
وقيعا قازاقستاندىق جانكٷيەرلەر اراسىندا كەڭ تالقىلانىپ, سپورتتاعى ەدەپ پەن كەسٸبي جاۋاپكەرشٸلٸك مەسەلەسٸن قايتا كٶتەردٸ.
