اقمولا وبلىسىنىڭ تۇرعىنى Instagram جەلٸسٸندە پاراقشا اشىپ, جىل بويى حابارلاندىرۋلار جارييالاپ, تٸكەلەي ەفيردە قۇمار ويىن ٶتكٸزگەن, دەپ حابارلايدى dalanews.kz.
ۇتىس تٸگۋ سوماسى 100-دەن 2100 تەڭگەگە دەيٸن جەتكەن. ويىن 4 قاتىسۋشى اراسىندا ٶتكەن, ەڭ جوعارى جٷلدە كارتاسى بار ادام جەڭٸمپاز بولىپ سانالعان.
جەڭٸس ۇيىمداستىرۋشىنىڭ پايىزىن شەگەرگەندە بارلىق ويىنشىنىڭ ۇتىسقا تٸككەن اقشاسىنان قۇرالعان. قىلمىستىق كٸرٸستٸڭ جالپى سوماسى 90,6 ميلليون تەڭگەدەن اسىپ كەتكەن.
سوت ٷكٸمٸمەن ول قىلمىستىق كودەكستٸڭ 307-بابى 2-بٶلٸگٸ 3) تارماعى بويىنشا (زاڭسىز ويىن بيزنەسٸن ۇيىمداستىرۋ) 4 جىلعا باس بوستاندىعىنان ايىرىلدى.
