Almaty qalasynda Uly Otan soǵysynyń ardageri Anatolii Nazarovich Popovtyń 100 jyldyq mereitoiy atalyp ótti, dep habarlaidy Dalanews.kz.
Ardagerdi Almaty qalasynyń Qorǵanys isteri jónindegi departamenti men Bostandyq aýdanynyń Qorǵanys isteri jónindegi basqarmasynyń áskeri qyzmetshileri arnaiy baryp quttyqtady. Olar maidangerge Qorǵanys ministriniń quttyqtaý haty men estelik syilyqtaryn tabystap, erligi men áskeri boryshqa adaldyǵy úshin alǵys aitty.
Qonaqtardy jyly qarsy alǵan ardagerdiń qyzy Natalia Kosolapova otbasy atynan rizashylyǵyn bildirdi.
«Ákemizge kórsetilgen qamqorlyq pen qurmet úshin áskeri qyzmetshilerge shyn júrekten alǵys aitamyz. Bul bizdiń otbasymyz úshin óte mańyzdy», – dedi ol.
Anatolii Popov 1926 jylǵy 13 qańtarda Almaty oblysy Qaskeleń qalasynda dúniege kelgen. Soǵys jyldarynda áskeri bailanysshy mamandyǵyn meńgerip, 2-shi Pribaltika maidany quramynda shaiqasqan, Riga túbindegi urystarǵa qatysqan. Ol «Rigany azat etkeni úshin», «1941–1945 jyldardaǵy Uly Otan soǵysynda Germaniiany jeńgeni úshin» medaldarymen jáne ózge de marapattarmen nagradtalǵan.
Soǵystan keiin Saratov áskeri-meditsinalyq ýchilishesin támamdap, Germaniiada áskeri qyzmetin jalǵastyrǵan. Keiin Almatyǵa oralyp, zeinetke shyqqanǵa deiin sanitarlyq-epidemiologiialyq qyzmette feldsher bolyp eńbek etken.
Mereitoi – maidangerdiń Jeńiske qosqan úlesi men beibit ómirdegi qajyrly eńbegine kórsetilgen qurmettiń belgisi boldy.
