QTJ poiyzǵa qandai zattardy alyp ótýge bolmaitynyn túsindirdi. Qazaqstan Respýblikasynyń zańnamasyna sáikes, qaýipti jáne tyiym salynǵan zattardy poiyzǵa alyp ótý áreketi qylmystyq jaýapkershilikke ákep soǵady, dep habarlaidy Dalanews.kz.
- Jarylǵysh zattar men qurylǵylar, sondai-aq pirotehnikalyq buiymdar: saliýtter, feierverkter jáne jarylys qaýpi bar ózge de zattar.
- Radioaktivti, esirtkilik jáne psihotroptyq zattar, sondai-aq tez tutanatyn suiyqtyqtar men himiialyq qospalar: mysaly, benzin, metil efiri, metanol jáne sol siiaqty qaýipti zattar.
- Tutanǵysh qatty zattar. Ýly, kúshti áser etetin jáne ýlandyrǵysh zattar (suiyq nemese qatty kúide).
- Infektsiialyq nemese biologiialyq turǵydan qaýipti materialdar: juqpaly aýrý týdyrýy múmkin zattar men olardy qamtityn buiymdar.
- Barlyq túrdegi qarý-jaraq: atys qarýy, laqtyrmaly, elektrli, mehanikalyq, gazdy jáne travmatikalyq qarý, sondai-aq, sýyq qarý: pyshaqtar, qanjarlar, shtyk, qylysh, palash, iatagan, tesaki, kastet, kisten, stilet, shashka, semser jáne soqqy-drobiashii áseri bar ózge de zattar.
- Oq-dáriler men patrondar: soǵysqa arnalǵan, jaryq-dybystyq, holostyq, travmatikalyq áseri bar, ańshylyqqa arnalǵan jabdyqtalǵan patrondar jáne basqa da atýǵa jaramdy snariadtar.
Sapar aldynda jolaýshylar vokzaldarda mindetti túrde qaýipsizdik tekserýinen ótedi. Búginde elimizdiń iri temirjol vokzaldary rentgen-televiziialyq qondyrǵylarmen, statsionarlyq jáne qol metall detektorlarymen, sondai-aq portativti anyqtaý qurylǵylarymen tolyq jabdyqtalǵan. Sonymen qatar, beinebaqylaý, dabyl berý jáne kúzet júieleri úzdiksiz jumys isteidi. Jolaýshylardyń qaýipsizdigin táýlik boiy politsiia qyzmetkerleri men kúzet uiymdarynyń ókilderi qamtamasyz etedi.
