Májilis UQShU kúshterin qoldanýdyń quqyqtyq negizderin keńeitý jáne uiym tetikterin jańǵyrtýǵa baǵyttalǵan eki zań jobasymen jumys istep jatyr, dep habarlaidy Dalanews.kz.
Qandai ózgerister josparlanyp otyr:
UQShU áskerin engizý negizderin keńeitý. Budan bylai bul tek qarýly shabýyl kezinde ǵana emes, sonymen qatar daǵdarystyq jaǵdailardyń aldyn alý, tótenshe jaǵdailardyń saldaryn joiý jáne gýmanitarlyq kómek kórsetý úshin de múmkin bolady.
UQShU elderinde ýaqytsha áskeri quramalar men tiisti qolbasshylyq qurý. Bul qaýip-qaterlerge jedel áreket etýge múmkindik beredi.
Tranzitti jeńildetý. UQShU elderiniń aýmaqtary arqyly jeke quram men áskeri maqsattaǵy ónimderdi jedel tasymaldaý úshin rásimder ońailatylmaq.
Biologiialyq qaýipsizdik salasyndaǵy ózara is-qimyldy keńeitý.
Bul bastama UQShU kúshteriniń uiymǵa múshe memleketterdiń aýmaǵynda ýaqytsha bolýyn quqyqtyq turǵydan jetildirýge baǵyttalǵan.
Sarapshylar bul qadamdardy terrorizm, ekstremizm jáne aqparattyq keńistiktegi destrýktivti áreketterdi qosa alǵanda, zamanaýi qaýip-qaterlerge ikemdirek jaýap berý qajettiligimen bailanystyryp otyr.
Eske salaiyq, 2026 jyly UQShU-ǵa Resei tóraǵalyq etedi, al uiymnyń bas hatshysy qyzmetine Qyrǵyzstan ókili Taalatbek Masadykov taǵaiyndalǵan.
