Almatydaǵy «Baisat» kóterme-bólshek saýda ortalyǵy úshinshi ret elektrondy aýktsionǵa qoiyldy, dep habarlaidy Dalanews.kz.
Qaitarylǵan aktivterdi basqarý jónindegi kompaniianyń málimetinshe, memlekettik sauda.e-qazyna.kz platformasynda «Tsentr optovo-roznichnoi torgovli» JShS-degi úlesti satý boiynsha qaita saýda jariialanǵan. Aýktsion 5 aqpanda saǵat 12:00-de ótedi. Bastapqy baǵa – 24,7 mlrd teńge.
Sonymen qatar elektrondy saýdaǵa kádesyi monetalar, zergerlik buiymdar men saǵattar da shyǵarylǵan. Jalpy sany 40 lot 20, 23 jáne 28 qańtar kúnderi ótetin aýktsiondarǵa qoiylyp otyr. Barlyq aktivterdiń jiyntyq bastapqy quny – 520,8 mln teńge.
Aita keteiik, bul nysan alǵash ret qyrkúiek aiynda 28,6 mlrd teńgeden saýdaǵa shyǵarylǵan. Jeltoqsanda ekinshi ret aýktsion jariialanyp, baǵa 26,7 mlrd teńgege tómendegen edi. Bul joly «Baisattyń» quny taǵy arzandap otyr.
