Qazaqstanda jasyryn baqylaýǵa arnalǵan qurylǵylardy satýǵa mindetti sertifikattaý men litsenziialaý engizý usynyldy. Bul bastamany Májilis depýtaty Ábýtálip Mútáli kóterip, shaǵyn-kameralar, diktofondar, GPS-trekerler men GSM-maiaktar naryǵy is júzinde jetkilikti deńgeide rettelmei otyrǵanyn atap ótti, dep habarlaidy Dalanews.kz.
Depýtattyń aitýynsha, mundai qurylǵylar zańsyz baqylaý júrgizý úshin paidalanylyp, azamattardyń jeke ómirine qol suǵýǵa ákelýi múmkin. Sonymen qatar olar jeke derekterdi zańsyz jinaý, bopsalaý jáne qýdalaý táýekelderin arttyrady.
Mútáli qazirgi zamanǵy avtokólikterge de erekshe alańdaýshylyq bildirdi. Onyń sózinshe, sheteldik serverlerge qosylǵan júieler paidalanýshylardyń qozǵalysy men belsendiligin baqylaýǵa múmkindik berýi yqtimal, bul derekter qaýipsizdigine qatysty qosymsha qaýip týdyrady.
Máseleni sheshý úshin depýtat jasyryn baqylaý qurylǵylarynyń ainalymyna memlekettik baqylaýdy kúsheitýdi, tiisti memlekettik organdardy tartýdy jáne qoldanystaǵy zańnama aiasynda azamattardyń jeke derekterin qorǵaýdy qamtamasyz etýdi usyndy.
