SHQO-da turǵynnyń kóligin zańsyz aıdap ketken adam ustaldy, dep habarlaıdy Dalanews.kz.
5 qańtarda saǵat 18:55-te 102 arnasyna qala turǵyny habarlasyp, onyń BMW kóligin belgisiz bireý zańsyz aıdap ketkenin habarlaǵan. Jábirlenýshige shamamen 2 000 000 teńge kóleminde materıaldyq shyǵyn kelgen.
Jedel izdestirý sharalary barysynda polısıa Óskemen – Altaı tasjolynyń 38-shaqyrymynda izdeýdegi kólikti toqtatyp, quqyqbuzýshyny qolǵa túsirdi.
"Kólik tizgininde buryn sottalǵan 31 jastaǵy adam bolǵan. Bul derek boıynsha sotqa deıingi tergeý amaldary bastaldy. Kúdikti ári qaraı prosesýaldyq is-qımyl júrgizý úshin Óskemen qalalyq polısıa basqarmasyna jetkizildi", - dedi polısıa.
