شقو-دا تۇرعىننىڭ كولىگىن زاڭسىز ايداپ كەتكەن ادام ۇستالدى، دەپ حابارلايدى Dalanews.kz.
5 قاڭتاردا ساعات 18:55-تە 102 ارناسىنا قالا تۇرعىنى حابارلاسىپ، ونىڭ BMW كولىگىن بەلگىسىز بىرەۋ زاڭسىز ايداپ كەتكەنىن حابارلاعان. جابىرلەنۋشىگە شامامەن 2 000 000 تەڭگە كولەمىندە ماتەريالدىق شىعىن كەلگەن.
جەدەل ىزدەستىرۋ شارالارى بارىسىندا پوليسيا وسكەمەن – التاي تاسجولىنىڭ 38-شاقىرىمىندا ىزدەۋدەگى كولىكتى توقتاتىپ، قۇقىقبۇزۋشىنى قولعا ءتۇسىردى.
"كولىك تىزگىنىندە بۇرىن سوتتالعان 31 جاستاعى ادام بولعان. بۇل دەرەك بويىنشا سوتقا دەيىنگى تەرگەۋ امالدارى باستالدى. كۇدىكتى ءارى قاراي پروسەسسۋالدىق ءىس-قيمىل جۇرگىزۋ ءۇشىن وسكەمەن قالالىق پوليسيا باسقارماسىنا جەتكىزىلدى"، - دەدى پوليسيا.
