Keshe keshke qaladaǵy jylý qubyrynda apat bolyp, eki yqshamaýdanda jylytý júiesi tolyq óshken, dep habarlaidy Dala News.
Óńirde daýyldy eskertý jariialanǵan. Tańerteń aýa temperatýrasy minýs 21 gradýsqa deiin tómendedi.
Temirtaý ákimi Ǵalym Áshimovtiń aitýynsha, aqaý 1970-jyldardan beri jóndeý kórmegen jylý trassasynyń ýchaskesinde bolǵan.
– Zaqym jylý jelisiniń eski bóliginde tirkeldi. Qazir apattyq brigadalar men arnaiy tehnika jumys istep jatyr, – dedi qala ákimi.
Ákimdiktiń málimetinshe, túske qarai apat saldary joiylǵan. Alaida jylýdyń úilerge naqty qashan jetetini ázirge belgisiz.
Turǵyndar sýyq páterlerde qaljyrap, jaǵdaidyń qashan turaqtalatynyn kútýde.
