Óskemende taǵy bir merzimdi áskerı qyzmetshi qaza tapty, dep habarlaıdy Dalanews.kz.

Bul týraly Qurlyq áskeri baspasóz qyzmeti málimdedi.

"23 qańtarda Óskemen garnızonyndaǵy áskerı bólimderdiń birinde qaraýyl qyzmetin atqarý kezinde merzimdi áskerı qyzmetshi ózine bekitilgen qarýdan óz-ózine oq atyp, alǵan jaraqatynan kóz jumdy. Áskerı qyzmetshi ótken jyldyń sáýir aıynda merzimdi áskerı qyzmetke shaqyrylǵan", - dep jazylǵan habarlamada.

Bul derek boıynsha İİM Shyǵys óńirlik áskerı-tergeý basqarmasynyń Óskemen bólimi qylmystyq is qozǵaǵan.

"Sotaldy tergep-tekserý barysy Óskemen garnızonynyń áskerı prokýratýrasynyń baqylaýynda. Oqıǵanyń sebepteri men mán-jaıy anyqtalyp jatyr. Tergeý múddesine baılanysty ózge aqparat jarıa etilmeıdi", - dep jazylǵan habarlamada.

Qorǵanys mınıstriniń tapsyrmasy boıynsha oqıǵanyń mán-jaıyn jan-jaqty anyqtaý maqsatynda oqıǵa ornynda qorǵanys mınıstriniń orynbasary, general-maıor Asqar Mustabekovtiń jetekshiligimen komısıa jumys istep jatyr.

"Qorǵanys mınıstrligi men Qarýly Kúshter basshylyǵy marqumnyń týǵan-týystary, jaqyndaryna kóńil aıtady. Otbasyna qoldanystaǵy zańnamaǵa sáıkes barlyq kómek kórsetiledi", - dep jazylǵan habarlamada.

Eske salaıyq, jýyrda Aqtaýda áskerı qyzmetshi kóz jumdy.