Shymkentte kisi qolynan qaza tapqan 21 jastaǵy qyzdyń oqiǵasy boiynsha taǵy bir qylmystyq is tirkeldi, dep habarlaidy Dalanews.kz.
Bul týraly advokat Aianhan Omarov áleýmettik jelidegi paraqshasynda málimdedi.
"Nuraidyń isi boiynsha Qylmystyq kodekstiń 125-1-babymen (nekege turýǵa májbúrleý) qylmystyq is tirkeldi. Eldi dúrliktirgen osy qylmystyq is Prezidentimizdiń tikelei baqylaýynda tur. Qazir Ishki ister ministrliginen arnaiy komissiia kelgen, bilikti politsiia qyzmetkerlerinen jedel tergeý toby qurylǵan. Osy qylmystyq is boiynsha tolyqtylyq pen jan-jaqtylyq qamtamasyz etilip, ádil, sapaly tergeý júrgiziledi dep senim bildiremin", - dedi ol.
Aita keteiik, 11 qańtarda Shymkentte 21 jastaǵy qyz pyshaq jaraqattarynan kóz jumdy. Qaiǵyly oqiǵa beinebaqylaý kameralaryna túsip qalǵan.
Marqumnyń týystarynyń aitýynsha, Nurai Serikbai 11 ret pyshaq jaraqatyn alǵan.
Eske salaiyq, buǵan deiin politsiia qyzmetkerleri jedel izdestirý is-sharalary barysynda 21 jastaǵy turǵyndy óltirdi degen kúdikti er adamdy ustady.
Sonymen qatar, Prezident Ulttyq quryltaida shymkenttik Nuraidyń ólimine qatysty pikir bildirdi.
