Laýazymdyq ókilettigin teris paidalaný boiynsha kúdikke ilingen Qazaqstan azamaty Ispaniiadan ekstraditsiialandy, dep habarlaidy Dalanews.kz.
Qazaqstan Respýblikasynyń Bas prokýratýrasy jáne Ulttyq qaýipsizdik komitetiniń Sybailas jemqorlyqqa qarsy is-qimyl qyzmetiniń qyzmetkerleri Qazaqstannyń Ispaniia koroldigindegi elshiliginiń qoldaýymen Barselona qalasynan laýazymdyq ókilettigin teris paidalaný jáne qyzmettik jalǵandyq jasaý deregi boiynsha kúdikke ilingen qazaqstandyqty ekstraditsiialady.
"Ol 2020 jyly keden organdarynyń qyzmetkeri bola otyryp, derekqorǵa jalǵan málimet engizý arqyly 8 kóliktiń ielerin biýdjetke tólenýge tiis kedendik bajdardan zańsyz bosatqan degen kúdikke ilinip otyr", - dep jazylǵan habarlamada.
Keltirilgen zalaldyń jalpy somasy 45 million teńgeden asady.
Kúdikti úsh jyldan asa ýaqyt boiy qylmystyq qýdalaý organdarynan boi tasalap, halyqaralyq izdeýde bolǵan, keiin Ispaniia aýmaǵynda ustaldy.
"Qazir kúdikti Astana qalasynyń tergeý izoliatoryna qamaldy", - dep jazylǵan habarlamada.
