لاۋازىمدىق وكىلەتتىگىن تەرىس پايدالانۋ بويىنشا كۇدىككە ىلىنگەن قازاقستان ازاماتى يسپانيادان ەكستراديسيالاندى، دەپ حابارلايدى Dalanews.kz.
قازاقستان رەسپۋبليكاسىنىڭ باس پروكۋراتۋراسى جانە ۇلتتىق قاۋىپسىزدىك كوميتەتىنىڭ سىبايلاس جەمقورلىققا قارسى ءىس-قيمىل قىزمەتىنىڭ قىزمەتكەرلەرى قازاقستاننىڭ يسپانيا كورولدىگىندەگى ەلشىلىگىنىڭ قولداۋىمەن بارسەلونا قالاسىنان لاۋازىمدىق وكىلەتتىگىن تەرىس پايدالانۋ جانە قىزمەتتىك جالعاندىق جاساۋ دەرەگى بويىنشا كۇدىككە ىلىنگەن قازاقستاندىقتى ەكستراديسيالادى.
"ول 2020 جىلى كەدەن ورگاندارىنىڭ قىزمەتكەرى بولا وتىرىپ، دەرەكقورعا جالعان مالىمەت ەنگىزۋ ارقىلى 8 كولىكتىڭ يەلەرىن بيۋدجەتكە تولەنۋگە ءتيىس كەدەندىك باجداردان زاڭسىز بوساتقان دەگەن كۇدىككە ءىلىنىپ وتىر"، - دەپ جازىلعان حابارلامادا.
كەلتىرىلگەن زالالدىڭ جالپى سوماسى 45 ميلليون تەڭگەدەن اسادى.
كۇدىكتى ءۇش جىلدان اسا ۋاقىت بويى قىلمىستىق قۋدالاۋ ورگاندارىنان بوي تاسالاپ، حالىقارالىق ىزدەۋدە بولعان، كەيىن يسپانيا اۋماعىندا ۇستالدى.
"ءقازىر كۇدىكتى استانا قالاسىنىڭ تەرگەۋ يزولياتورىنا قامالدى"، - دەپ جازىلعان حابارلامادا.
