Donald Tramp Kanadaǵa qatysty qatań málimdeme jasady. Onyń aitýynsha, eger Ottava Beijińmen saýda kelisimin jasaityn bolsa, AQSh kanadalyq ónimderge 100 paiyzdyq kedendik baj salyǵyn engizedi. Bul týraly Tramp sailaýaldy málimdemeleriniń birinde aitty, dep habarlaidy Dalanews.kz
Tramptyń sózinshe, Qytaimen ekonomikalyq yntymaqtastyqty tereńdetý Soltústik Amerika aimaǵyndaǵy óndiristik qaýipsizdik pen AQSh-tyń ulttyq múddelerine tikelei qater tóndiredi. Ol Kanadany «Qytaidyń ekonomikalyq yqpalyna jol bermeýge» shaqyryp, Vashingtonnyń mundai qadamǵa bei-jai qarai almaitynyn ashyq jetkizdi.
Sarapshylar bul málimdemeni Tramptyń dástúrli protektsionistik saiasatynyń jalǵasy dep baǵalap otyr. Buǵan deiin de ol Qytaimen saýda soǵysyn bastap, tarifter arqyly qysym jasaý taktikasyn keńinen qoldanǵan. Endi osy tásil odaqtas elderge, sonyń ishinde Kanadaǵa da baǵyttalýy múmkin degen pikir bar.
Kanada men Qytai arasyndaǵy saýda qatynastary sońǵy jyldary kúrdeli sipat alyp keledi. Degenmen Ottava ekonomikalyq ártaraptandyrý maqsatynda Aziia naryǵymen bailanysyn tolyq úzgen joq. Al Tramptyń málimdemesi bul baǵyttaǵy kez kelgen qadamnyń geosaiasi saldary aýyr bolýy múmkin ekenin kórsetip otyr.
Halyqaralyq sarapshylardyń aitýynsha, eger mundai baj salyǵy shynymen engizilse, bul Soltústik Amerikadaǵy saýda tizbekterine, ásirese aýyl sharýashylyǵy, avtokólik jáne shikizat sektorlaryna aitarlyqtai soqqy bolýy yqtimal. Sonymen qatar AQSh pen Kanada arasyndaǵy onsyz da kúrdeli saýda qatynastary jańa shielenis kezeńine ótýi múmkin.
Qazirgi tańda Kanadanyń resmi biligi Tramptyń málimdemesine qatysty naqty jaýap bergen joq. Alaida bul taqyryp AQSh-taǵy sailaý naýqany qyzǵan saiyn halyqaralyq kún tártibindegi negizgi máselelerdiń birine ainalýy múmkin.
