AQSh-tyń Immigratsiia jáne kedendik baqylaý qyzmeti (ICE) Qazaqstan azamaty Elaman Baltagereevtiń ustalǵanyn habarlady, dep habarlaidy dalanews.kz.
Vedomstvo málimetinshe, ol 5 maýsym kúni federaldyq seriktesterdiń qatysýymen júrgizilgen arnaiy operatsiia barysynda qolǵa túsken.
ICE taratqan aqparatqa sáikes, ótken jazda immigratsiialyq sot sýdiasy Baltagereevti AQSh aýmaǵynan shyǵarý týraly sheshim qabyldaǵan. Alaida ol sot otyrysyna kelmegen. Osydan keiin oǵan qatysty deportatsiialaý jónindegi túpkilikti sheshim kúshine engen.
Sondai-aq AQSh Immigratsiia jáne kedendik baqylaý qyzmeti Baltagereevtiń «belgili nemese kúdikke ilingen terrorist» retinde ustalǵanyn málimdedi.
Degenmen vedomstvo jariialaǵan habarlamada oǵan naqty qandai aiyp taǵylyp otyrǵany jáne mundai mártebeniń qandai sebeppen berilgeni týraly málimet keltirilmegen.
Qazirgi ýaqytta Qazaqstan azamaty ICE qaramaǵyndaǵy qamaýda otyr. Vedomstvo ókilderiniń aitýynsha, ol deportatsiialaý rásimi uiymdastyrylǵanǵa deiin qamaýda bolady.
