Máskeý dron shabýylyna ushyrady, dep habarlaidy dalanews.kz.
Máskeý meri Sergei Sobianinniń málimdeýinshe, áýe shabýylyna qarsy qorǵanys júieleri 60-tan asa ushqyshsyz ushý apparatyn joiǵan. Onyń aitýynsha, qulaǵan bólshekter túsken jerlerde tótenshe jaǵdai qyzmetteri jumys istep jatyr.
Sondai-aq, birqatar Telegram arnalardyń málimetinshe, 16 maýsymǵa qaraǵan túni Máskeýdegi tórt áýejaidyń, iaǵni Sheremetevo, Domodedovo, Vnýkovo jáne Jýkovskii áýejailarynyń jumysyna ýaqytsha shekteý engizilgen. Tańerteń barlyq shekteý alynǵan.
Ýkrainalyq BAQ drondardyń nysanasy Máskeýdegi eń iri munai óńdeý zaýyty bolýy múmkin ekenin jazyp jatyr. Keiin Sergei Sobianin Máskeý munai óńdeý zaýytyna zaqym kelgenin rastady. Kásiporyn Kapotnia aýdanynda ornalasqan.
Bul zaýyt buǵan deiin de dron shabýylyna ushyraǵan edi. 2026 jyly mamyrda bolǵan oqiǵa kezinde 12 adam jaralandy. Sol kezde Máskeý biligi óndiris jumysyna ziian kelmegenin málimdegen bolatyn.
Aita keteiik, 15 maýsymda Kiev te aýqymdy shabýylǵa tap boldy.
