BAQ pen áleýmettik jelide AQSh-tyń Immigratsiia jáne kedendik baqylaý qyzmeti (ICE) Qazaqstan azamaty Elaman Baltagereevti ustaǵany týraly aqparat taraǵan edi, dep habarlaidy dalanews.kz.
Vedomstvo málimetinshe, ol 5 maýsymda federaldyq seriktesterdiń qatysýymen júrgizilgen arnaiy operatsiia barysynda qolǵa túsken.
Degenmen oǵan naqty qandai aiyp taǵylyp otyrǵany týraly málimet keltirilmegen.
Qazaqstannyń Syrtqy ister ministrligi osy jaǵdaiǵa qatysty pikir bildirdi.
"Iá, bul jaǵdaidan Syrtqy ister ministrligi habardar. Qazir anyqtaý jumystary júrgizilip jatyr. Qosymsha aqparat resmi derek túskennen keiin beriledi", - dedi SIM ókili.
