Sinoptikter úsh kúnge arnalǵan aýa raiy boljamyn jariialady, dep habarlaidy Dalanews.kz.
Aýa raiyna Atlantika aimaǵynan jyljyp kele jatqan tsiklon yqpal etedi. Sondyqtan qar jaýady, ońtústik óńirlerde de jańbyr men qar jaýady. Boran soǵyp, jel kúsheiedi.
Aýa temperatýrasy mynadai bolady:
- Tsiklon el aýmaǵy arqyly ilgerilegen saiyn aýa temperatýrasy birtindep joǵarylaidy: túnde ortalyq jáne shyǵys óńirlerde -5…-18°S-qa deiin, ońtústik-shyǵysta -2…-7°S-qa deiin, taýly aýdandarda -7…-15°S-qa deiin kóteriledi.
- Soltústik oblystarda aýa temperatýrasy túnde -20…-35°S shamasynda bolyp, aiaz saqtalady.
- Batysta túnde aýa temperatýrasy -15…-30°S-qa deiin, soltústik-batysta -20…-35°S-qa deiin tómendeidi.
