Qazaqstandyq biýdjettik áýe tasymaldaýshy FlyArystan Grýziiaǵa qatynaityn reisterge qatysty mańyzdy málimdeme jasady. Bul baǵytqa ushý ýaqytsha toqtady, dep habarlaidy Dalanews.kz
Kompaniianyń málimetinshe, Qazaqstan astanasynan Grýziianyń kóne qalalarynyń biri – Kýtaisige baǵyttalǵan áýe reisteri ýaqytsha toqtatylady. Atap aitqanda, Astana – Kýtaisi baǵyty boiynsha ushýlar 2026 jyldyń 1 aqpanynan 15 naýryzyna deiin oryndalmaidy.
FlyArystan baspasóz qyzmeti bul sheshim reister baǵdarlamasyn ońtailandyrý aiasynda qabyldanǵanyn atap ótti.
– «Astana – Kýtaisi baǵyty boiynsha reister 2026 jyldyń 1 aqpanynan 15 naýryzyna deiin ýaqytsha toqtatylady. Al 16 naýryzdan bastap atalǵan baǵyttaǵy áýe qatynasy qaita jandanady», – delingen resmi habarlamada.
Osylaisha, jolaýshylar 2026 jyldyń naýryz aiynyń ortasynan bastap Kýtaisige qaitadan tikelei reistermen usha alady. FlyArystan áýe kompaniiasy bilet satyp alǵan jolaýshylarǵa qatysty barlyq ózgerister jóninde qosymsha aqparat beriletinin málimdedi.
