قازاقستاندىق بيۋدجەتتٸك ەۋە تاسىمالداۋشى FlyArystan گرۋزيياعا قاتىنايتىن رەيستەرگە قاتىستى ماڭىزدى مەلٸمدەمە جاسادى. بۇل باعىتقا ۇشۋ ۋاقىتشا توقتادى, دەپ حابارلايدى Dalanews.kz
كومپانييانىڭ مەلٸمەتٸنشە, قازاقستان استاناسىنان گرۋزييانىڭ كٶنە قالالارىنىڭ بٸرٸ – كۋتايسيگە باعىتتالعان ەۋە رەيستەرٸ ۋاقىتشا توقتاتىلادى. اتاپ ايتقاندا, استانا – كۋتايسي باعىتى بويىنشا ۇشۋلار 2026 جىلدىڭ 1 اقپانىنان 15 ناۋرىزىنا دەيٸن ورىندالمايدى.
FlyArystan باسپاسٶز قىزمەتٸ بۇل شەشٸم رەيستەر باعدارلاماسىن وڭتايلاندىرۋ اياسىندا قابىلدانعانىن اتاپ ٶتتٸ.
– «استانا – كۋتايسي باعىتى بويىنشا رەيستەر 2026 جىلدىڭ 1 اقپانىنان 15 ناۋرىزىنا دەيٸن ۋاقىتشا توقتاتىلادى. ال 16 ناۋرىزدان باستاپ اتالعان باعىتتاعى ەۋە قاتىناسى قايتا جاندانادى», – دەلٸنگەن رەسمي حابارلامادا.
وسىلايشا, جولاۋشىلار 2026 جىلدىڭ ناۋرىز ايىنىڭ ورتاسىنان باستاپ كۋتايسيگە قايتادان تٸكەلەي رەيستەرمەن ۇشا الادى. FlyArystan ەۋە كومپانيياسى بيلەت ساتىپ العان جولاۋشىلارعا قاتىستى بارلىق ٶزگەرٸستەر جٶنٸندە قوسىمشا اقپارات بەرٸلەتٸنٸن مەلٸمدەدٸ.
