Túrkistan qalalyq ortalyq aýrýhanasynyń juqpaly aýrýlar bólimine qyzylsha degen kúdikpen 8 ailyq sábi jetkizilgen. Tekseris barysynda balanyń ish qýysynan ine anyqtaldy, dep habarlaidy Dalanews.kz otyrarkz-ke siltep.
Sábidiń mazasyzdanýy, dene qyzýy kóterilýi juqpaly aýrýdan emes, dál osy bógde zattyń áserinen ekeni belgili boldy.
Dárigerlerdiń aitýynsha, ine balanyń asqorytý joly arqyly emes, baýyr tusynan engeni anyqtalǵan. Balanyń anasy sábi ineni ózdiginen jutpaǵanyn jetkizdi.
Túrkistan qalalyq ortalyq aýrýhanasynyń jáne Túrkistan qalalyq balalar aýrýhanasynyń dárigerleri birlesip, shuǵyl ota jasap, em-sharalardy tolyq kólemde júrgizgen.
Ýaqytyly jasalǵan ota men turaqty emniń arqasynda sábidiń jaǵdaiy jaqsaryp keledi.
