Áleýmettik medısınalyq saqtandyrý qoryna jańa basshy taǵaıyndaldy, dep habarlaıdy Dalanews.kz.

Qarjy mınıstrliginiń apparat basshysy Ernar Erjanov "Áleýmettik medısınalyq saqtandyrý qory" KeAQ ujymyna jańa basqarma tóraǵasy Gúlmıra Sábdenbekti tanystyrdy.

Onyń kásibı medısınalyq bilimi, sondaı-aq, qoǵamdyq densaýlyq saqtaý magıstri (MPH) dárejesimen densaýlyq saqtaý salasynda basqarýshylyq tájirıbesi bar.

Gúlmıra Sábdenbek ár jyldary basshylyq qyzmetter atqardy. Sonyń ishinde Ulttyq medısınalyq holdıńtiń strategıalyq damý departamentine jetekshilik etti, sonymen qosa, "Ulttyq ǵylymı kardıohırýrgıalyq ortalyǵy" AQ basqarma tóraǵasynyń orynbasary boldy.

QR Prezıdenti ákimshiligi Áleýmettik-ekonomıkalyq saıasat bólimi meńgerýshisiniń orynbasary bolyp, áleýmettik saıasat jáne ornyqty damý, memlekettik aýdıt, qarjylyq baqylaý máselelerimen aınalysqan.