AQSh elshiligi qazaqstandyqtarǵa Aidy ainala ushatyn missiiaǵa óz esimin jiberýdi usyndy, dep habarlaidy Dalanews.kz
Esimder ǵarysh kemesiniń bortynda bolatyn SD-kartaǵa jazylady. Bul karta «Orion» ǵarysh kemesimen birge Aidy ainala ushady.
Qazaqstandaǵy AQSh elshiligi áleýmettik jelide NASA-nyń Artemis II missiiasy aiasynda osyndai múmkindik bar ekenin habarlady. Arnaiy sait arqyly óz atyńyzdy joldasańyz, ol SD-kartaǵa jazylyp, Aidy ainalyp ótetin ǵarysh saparyna attanady.
Qatysý úshin óz esimińizdi NASA Artemis II missiiasynyń resmi saitynda qaldyrýǵa bolady.
NASA astronavtary Rid Ýaizman, Viktor Glover jáne Kristina Koh, sondai-aq Kanadanyń ǵarysh agenttiginiń (CSA) astronavty Djeremi Hansen SLS (Space Launch System) zymyran tasyǵyshy arqyly «Orion» ǵarysh kemesiniń bortynda ushatyn alǵashqy adamdar bolady.
Maqala jariialanǵan sátke deiin bul bastamaǵa 3 419 297 adam qatysyp úlgergen. Atalǵan ushý — Ai betine baǵyttalatyn adam qatysatyn bolashaq missiialarǵa jasalǵan kezekti qadam. Sonymen qatar bul joba agenttikke Marsqa josparlanǵan aldaǵy astronavttyq missiialarǵa daiyndalýǵa múmkindik beredi.
Artemis II missiiasy Florida shtatyndaǵy Kennedi atyndaǵy ǵarysh ortalyǵyndaǵy 39-ushyrý kesheninen 2026 jyldyń sáýir aiynan keshiktirilmei ǵaryshqa ushyrylady.
