اقش ەلشىلىگى قازاقستاندىقتارعا ايدى اينالا ۇشاتىن ميسسياعا ءوز ەسىمىن جىبەرۋدى ۇسىندى، دەپ حابارلايدى Dalanews.kz
ەسىمدەر عارىش كەمەسىنىڭ بورتىندا بولاتىن SD-كارتاعا جازىلادى. بۇل كارتا «وريون» عارىش كەمەسىمەن بىرگە ايدى اينالا ۇشادى.
قازاقستانداعى اقش ەلشىلىگى الەۋمەتتىك جەلىدە NASA-نىڭ Artemis II ميسسياسى اياسىندا وسىنداي مۇمكىندىك بار ەكەنىن حابارلادى. ارنايى سايت ارقىلى ءوز اتىڭىزدى جولداساڭىز، ول SD-كارتاعا جازىلىپ، ايدى اينالىپ وتەتىن عارىش ساپارىنا اتتانادى.
قاتىسۋ ءۇشىن ءوز ەسىمىڭىزدى NASA Artemis II ميسسياسىنىڭ رەسمي سايتىندا قالدىرۋعا بولادى.
NASA استروناۆتارى ريد ۋايزمان، ۆيكتور گلوۆەر جانە كريستينا كوح، سونداي-اق كانادانىڭ عارىش اگەنتتىگىنىڭ (CSA) استروناۆتى دجەرەمي حانسەن SLS (Space Launch System) زىمىران تاسىعىشى ارقىلى «وريون» عارىش كەمەسىنىڭ بورتىندا ۇشاتىن العاشقى ادامدار بولادى.
ماقالا جاريالانعان ساتكە دەيىن بۇل باستاماعا 3 419 297 ادام قاتىسىپ ۇلگەرگەن. اتالعان ۇشۋ — اي بەتىنە باعىتتالاتىن ادام قاتىساتىن بولاشاق ميسسيالارعا جاسالعان كەزەكتى قادام. سونىمەن قاتار بۇل جوبا اگەنتتىككە مارسقا جوسپارلانعان الداعى استروناۆتتىق ميسسيالارعا دايىندالۋعا مۇمكىندىك بەرەدى.
Artemis II ميسسياسى فلوريدا شتاتىنداعى كەننەدي اتىنداعى عارىش ورتالىعىنداعى 39-ۇشىرۋ كەشەنىنەن 2026 جىلدىڭ ءساۋىر ايىنان كەشىكتىرىلمەي عارىشقا ۇشىرىلادى.
