Astanada Konstitýtsiialyq reforma jónindegi komissiianyń alǵashqy otyrysy ótip jatyr, dep habarlaidy Dalanews.kz.
Erjan Jienbaev vitse-prezidenttiń ókilettigine qatysty konstitýtsiialyq ózgeristerge toqtaldy. Vitse-prezidentti jalpy depýtattardyń kópshilik daýysymen Prezident taǵaiyndaidy.
Vitse-prezidentti qyzmetinen Prezident bosatady. Vitse-prezident:
- Prezidenttiń tapsyrmasy boiynsha Qazaqstan Respýblikasynyń halyqaralyq qatynastardaǵy múddelerin bildiredi;
- Quryltaimen, Úkimetpen jáne ózge de memlekettik organdarmen ózara is-qimyl barysynda Prezidenttiń atynan ókildik etedi.
- Sonymen qatar, vitse-prezident Qazaqstan Respýblikasy Prezidenti atynan Qazaqstan Respýblikasynyń jáne shetelderdiń qoǵamdyq-saiasi, ǵylymi jáne mádeni-aǵartýshylyq uiymdarymen qarym-qatynas ornatady.
- Vitse-prezidenttiń ózge de ókiletterin Prezident aiqyndaidy.
"Vitse-prezident institýtynyń engizilýine bailanysty Konstitýtsiiadan Memlekettik keńesshi týraly normalar alyp tastalady. Konstitýtsiia deńgeiinde vitse-prezidentke qoiylatyn talaptardy kózdeý qajet. Vitse-prezident ókildi organnyń depýtaty bolmaýǵa, ózge de aqyly laýazymdardy atqarmaýǵa jáne kásipkerlik qyzmetti júzege asyrmaýǵa tiis. Óz ókilettikterin júzege asyrý kezeńinde vitse-prezident saiasi partiianyń múshesi bolmaýǵa tiis. Mundai tártip saiasi básekelestikti arttyrýǵa jáne barlyq partiianyń damýy úshin teń jaǵdaidy qamtamasyz etýge baǵyttalǵan ustanymǵa sáikes keledi", - dedi ol.
