Respýblikalyq advokattar alqasynyń tóraǵasy Mádi Myrzaǵaraev Konstitýtsiialyq reforma jónindegi komissiianyń birinshi otyrysynda sot sanktsiiasynsyz ustaý merzimin qysqartý jáne advokatýra institýtynyń konstitýtsiialyq mártebesin bekitý qajettigin aitty, dep habarlaidy Dalanews.kz
Spikerdiń aitýynsha, jeke bas bostandyǵy - barlyq quqyqtyń negizi jáne bul qaǵidat Konstitýtsiiada naqty tetiktermen bekitilýi tiis. Qazirgi qylmystyq protseste ýaqytsha ustaýdyń uzaqtyǵy adam quqyǵyna tikelei qater tóndiredi. Mádi Myrzaǵaraev tehnologiialyq múmkindikterdi alǵa tarta otyryp, bul tájiribeni túbegeili qaita qaraý qajettigin atap ótti.
«Ýaqytsha ustaý - bul tergeýdiń alǵashqy kezeńindegi májbúrli, airyqsha shara. Biraq osy ýaqytsha sharanyń ózi meilinshe qysqa merzimge ǵana qoldanylýy tiis. Eń bastysy - sot qaraýyna tez arada jetkizý. Tehnologiialar damyǵan búgingi zamanda materialdardy sotqa usyný úshin uzaq ýaqyttyń qajeti joq. Negizgi tergeý áreketteri alǵashqy táýlikte-aq atqarylady. Sot baqylaýyn erterek iske qosý azamatqa ǵana emes, memleketke de tiimdi. Sot sanktsiiasy - tergeý zańdylyǵynyń basty kepili jáne qoǵam seniminiń tiregi. Osy rette, halyqaralyq ozyq tájiribeni eskere otyryp, Konstitýtsiiada sot sanktsiiasynsyz ustaý merzimin 72 saǵattan 48 saǵatqa deiin qysqartýdy usynamyn»,- dedi Mádi Myrzaǵaraev.
Sonymen qatar, spiker halyqaralyq deńgeide moiyndalǵan «Miranda qaǵidasy» - quqyqtyq memlekettiń myzǵymas ólshemi ekenin basa aitty. Soǵan sáikes, azamat óz quqyǵyn taǵdyry tarazyǵa túsken alǵashqy minýttan bastap bilýge tiis. Al sol quqyqtardyń ishindegi eń mańyzdysy - kásibi advokattyń kómegine júginý quqyǵy. Sondyqtan Myrzaǵaraev óz sózinde advokatýra institýtynyń qazirgi quqyqtyq jaǵdaiyna toqtaldy. Ol Konstitýtsiiada bilikti zań kómegine quqyq bekitilgenimen, sol kómekti qamtamasyz etetin negizgi institýttyń mátinde naqty atalmaǵanyn aitty. Mádi Myrzaǵaraev Qazaqstanda advokatýranyń buryn konstitýtsiialyq mártebesi bolǵanyn eske salyp, tarihi olqylyqty qaita jasamaýǵa shaqyrdy.
«Advokatýra - tek kásibi qaýymdastyq emes, quqyqtyq memlekettiń ajyramas tirek institýty. Dál osy ról onyń mártebesin jalpy zań deńgeiinde ǵana emes, Konstitýtsiia deńgeiinde tanýdyń tabiǵi qisyndylyǵyn kórsetedi. Qazaqstan aýmaǵynda advokatýranyń konstitýtsiialyq mártebesi buryn bolǵan. Táýelsizdiktiń alǵashqy jyldaryndaǵy reformalar barysynda advokatýranyń Ata Zań mátininen tys qalýy - tarihi olqylyq. Nátijesinde, Konstitýtsiiada bilikti zań kómegine quqyq bekitilgenimen, sol kómekti tarihi túrde kórsetip kele jatqan negizgi institýttyń ózi Konstitýtsiia mátininde atalmai qaldy»,- dedi Mádi Myrzaǵaraev.
Sóz barysynda Mádi Myrzaǵaraev qazirgi konstitýtsiialyq reformany advokatýranyń mártebesin ornyna keltiretin tarihi múmkindik dep atap ótti. Ol Konstitýtsiiada advokatýranyń quqyqtyq mártebesin bekitý memlekettiń jariialaǵan baǵytyna, Prezident aiqyndaǵan strategiialyq baǵdarǵa jáne qoǵamnyń suranysyna tolyq sáikes keletinin basa aitty.
