Óskemende taǵy bir merzimdi áskeri qyzmetshi qaza tapty, dep habarlaidy Dalanews.kz.
Bul týraly Qurlyq áskeri baspasóz qyzmeti málimdedi.
"23 qańtarda Óskemen garnizonyndaǵy áskeri bólimderdiń birinde qaraýyl qyzmetin atqarý kezinde merzimdi áskeri qyzmetshi ózine bekitilgen qarýdan óz-ózine oq atyp, alǵan jaraqatynan kóz jumdy. Áskeri qyzmetshi ótken jyldyń sáýir aiynda merzimdi áskeri qyzmetke shaqyrylǵan", - dep jazylǵan habarlamada.
Bul derek boiynsha IIM Shyǵys óńirlik áskeri-tergeý basqarmasynyń Óskemen bólimi qylmystyq is qozǵaǵan.
"Sotaldy tergep-tekserý barysy Óskemen garnizonynyń áskeri prokýratýrasynyń baqylaýynda. Oqiǵanyń sebepteri men mán-jaiy anyqtalyp jatyr. Tergeý múddesine bailanysty ózge aqparat jariia etilmeidi", - dep jazylǵan habarlamada.
Qorǵanys ministriniń tapsyrmasy boiynsha oqiǵanyń mán-jaiyn jan-jaqty anyqtaý maqsatynda oqiǵa ornynda qorǵanys ministriniń orynbasary, general-maior Asqar Mustabekovtiń jetekshiligimen komissiia jumys istep jatyr.
"Qorǵanys ministrligi men Qarýly Kúshter basshylyǵy marqumnyń týǵan-týystary, jaqyndaryna kóńil aitady. Otbasyna qoldanystaǵy zańnamaǵa sáikes barlyq kómek kórsetiledi", - dep jazylǵan habarlamada.
Eske salaiyq, jýyrda Aqtaýda áskeri qyzmetshi kóz jumdy.
