Sý tasqynynan zardap shekken oblys ortalyǵyndaǵy 12 saiajai ýchaskelerinen sýdy sorý jumystary júrgizilýde.
Atalǵan jumystarǵa tótenshe jaǵdailar departamenti tarapynan 37 tehnika, 40-qa jýyq maman jumyldyryldy.
Qazirgi ýaqytta oblys ákimi Nariman Tóreǵalievtiń tapsyrmasy aiasynda Oral qalasynda sý tasqynynan zardap shekken saiajai turǵyndarynyń shyǵynyn esepteý jáne materialdyq kómek tóleý jónindegi arnaiy komissiia shtattyq rejimde jumys isteýde.
Sý tasqynynan zardap shekken turǵyndarǵa 100 ailyq eseptik kórsetkish kóleminde búgingi kúnge deiin oblys boiynsha 7759 otbasyǵa 2,8 mlrd teńge birjolǵy áleýmettik kómek tólendi. Turǵyndardan túsken ótinishter negizinde tólemderdi tóleý jalǵasýda.
Budan bólek, komissiia tekserý aktileri aiasynda sýy ketken saiajailardy qaraýda. Kezeń-kezeńimen barlyq saiajailar tehnikalyq zertteýden ótedi.
Atap óterligi, osyǵan deiin turaqty negizde saiajai turǵyndarymen kezdesýler ótkizildi, aldaǵy ýaqytta da túsindirý jumystary jalǵasatyn bolady.
