«Birlik» shaǵynaýdanynyń turǵyny aýyz sý máselesin qozǵady. Óńir basshysy Túrkistanda aýyz sý qory tolyq etkilikti ekenin, sý kózderin tartý jumysy júrgizilgenin málimdedi. Keibir kóshelerge sý kezeń-kezeńimen jetkiziletinine toqtaldy. Al Alpamys batyr, Saýmalkól jáne Saryarqa kósheleriniń turǵyndary atynan kelgen azamat osy kóshelerdi káriz júiesimen tolyq qamtý máselesin kóterdi. Turǵynǵa Túrkistan qalasynyń infraqurylymyn arttyrý baǵytynda atqarylyp jatqan jumystar baiandalyp, ol kóshelerdegi túitkil de tarqatylatyny túsindirildi. «Otyrar» shaǵynaýdanyn abattandyrý jóninde usynys aitqan turǵynǵa da tiisti jaýap berildi. Oblys ákimi 4 jylda Túrkistannyń infraqurylymy jaqsaryp, káriz júiesimen qamtý kórsetkishi eselep artqanyn baiandady.
– Ózderińiz kórip júrgendei, qala múldem ózgerdi. Jańardy. Kósheleri retteldi. Biz tek qalanyń jańa aýmaǵy emes, eski bóligin de abattandyrý, infraqurylymyn jaqsartýdy nazarda ustap otyrmyz. Túrkistan qalasy aýmaǵynyń 98,5%-y elektr qýatymen qamtamasyz etilgen, onyń 84%-y sapaly elektr qýatymen. Biyl 3 nysannyń qurylysyn aiaqtap, sapaly elektr qýatymen qamtý kórsetkishin 99%-ǵa jetkizý kózdelip otyr. Qala tolyq gazdandyrylyp, ekologiiasy anaǵurlym jaqsardy. Biyl 127,3 shaqyrym topyraq kóshelerge shaǵal tas tóseledi jáne 46,4 shaqyrym quraityn 40 kóshege ortasha jóndeý jumystary júrgiziledi, iaǵni asfalt tóseledi. Men qalanyń ekologiiasyn jaqsartý, kógaldandyrý isine basa mán beremin. Asfalt tóseledi, al asfalt jetpei jatqan jerlerge qazirshe shaǵal tas tóseledi. Shańy burqyraǵan kósheler bolmaidy. Osy baǵytta júieli jumys jalǵasady, – dedi Ómirzaq Shókeev.
Ashyq júzdesý barysynda Ámir-Temir atyndaǵy mekteptiń qazirgi jai-kúii, indýstrialdy aimaqty damytý, qoqys poligonyn salý, balalardy úiirmemen qamtý, densaýlyq saqtaý nysandary sanyn arttyrý, B.Sattarhanov atyndaǵy sport keshenin paidalanýǵa berý jáne týristik salany jandandyrý jóninde suraqtar men usynystar berildi. Oblys ákimi B.Sattarhanov atyndaǵy sporttyq-saýyqtyrý kesheniniń qurylysy júrip jatqanyn, el igiligine beriletinin málimdedi. Sonymen qatar Ámir-Temir mektebiniń janynan qosymsha ǵimarat qurylysy júrgiziletinin jetkizdi. 570 oryndyq, halyqaralyq talapqa sai aýrýhananyń qurylysyn jandandyrý da nazarda turǵanyn atap ótti. Indýstrialdy aimaqta birqatar joba júzege asqanyn, degenmen pandemiia men álemdegi saiasi jaǵdailar saldarynan investor tartý jaǵy qiynǵa soǵyp turǵanyn, aldaǵy ýaqytta Túrkistan mańaiynda óndiris oryndary kóbeietinin atap ótti.
– Sizder mańyzdy másele kóterip otyrsyzdar. Suraqtaryńyz oryndy. Biz árbir ótinish pen suraqty jaýapsyz qaldyrmaimyz. Tiisti jumys júredi. Túrkistannyń týristik áleýetin arttyrý baǵytynda aýqymdy jumys atqarylýda. Qoja Ahmet Iasaýi murasy men ǵajaiyp kesene – týrizmniń basty ideologiialyq dińgegi. Etnotýrizm, gastrotýrizm, ekotýrizmdi damytýymyz kerek. Turǵyndar týristik servisti damytyp, kelýshilerge qyzmet kórsetý arqyly tabysyn arttyra alady. Oǵan tolyq múmkindik bar. 2021 jyly óńirge týrizm salasyna tartylǵan investitsiia kólemi 102 mlrd. teńgeni qurady, respýblika boiynsha 1-shi orynǵa shyqty. Bir jyldyń ózinde kóptegen qonaq úiler men demalys oryndary ashyldy. Ótken jyldyń qorytyndysy boiynsha Túrkistan qalasyna bir kúndik kelýshiler sany 1417372 adamdy qurady. Biyl ishki týristerdiń sanyn 261 000 adamǵa, sheteldik týristerdiń sanyn 7290 adamǵa, Túrkistan qalasyna bir kúndik kelýshiler sanyn 1,6 mln. adamǵa, týrizm salasy boiynsha kórsetiletin qyzmetterdiń kólemin 3,5 mlrd. teńgege deiin jetkizýdi jospalap otyrmyz, – dedi Ómirzaq Estaiuly.
Osy kúni Ómirzaq Shókeev qala turǵyndaryn jeke ótinishteri boiynsha da arnaiy qabyldady. Qabyldaýǵa 20-dan astam turǵyn jazylyp, olardyń ótinishteri tyńdaldy. Qabyldaýǵa kelgenderdiń basym bóligi turǵyn úi máselesi boiynsha kelgen. Olarǵa turǵyn úi kezegi zańǵa sáikes jyljyp, kezegimen beriletini túsindirildi. Asa muqtaj, jaǵdaiy qiyn turǵyndardyń problemasyn demeýshiler arqyly jedel sheshý tapsyryldy. Sondai-aq qoǵamdyq kólik, infraqurylym, jastarǵa qoldaý túitkilderin qozǵap, demeýshilik kómek suraǵandar boldy. Oblys ákimi orynbasarlary men tiisti basqarma basshylaryna jáne qala ákimine árbir ótinishti nazarǵa alyp, zańǵa sáikes oń sheshýdi tapsyrdy.
