Almaty oblysynda daýyldan 83 eldi mekende elektr energiiasy ajyratyldy
Joiqyn daýyldyń saldyrynan 10 – kóppáterli turǵyn úi, 21 – bilim berý nysany, 2 - saýda obektisi, 5 – óndiristik nysan, 10 – ákimshilik ǵimarat, 11 - TJB, 1 – dini obekt, 2 – densaýlyq saqtaý mekemesi, 1 – MU obektisi, 1 – aýyl sharýashylyǵy obektisi, 2 – qyzmet kórsetý nysanyna zalal keldi.
Sondai-aq, jalpy aýdany 15408,5 sh.m. 66 shatyrdyń jabyny ushyp ketken. Qolaisyz aýa-raiynyń saldarynan 3 avtokólik zardap shekse, Eńbekshiqazaq aýdanynda 1 adam jaraqat alǵan.
Kenetten oryn alǵan tabiǵi qubylystyń kesirinen 83 eldi mekendegi elektr energiiasy ajyratylǵan. Búginde 76 eldi mekende elektr energiiasy qalpyna keltirildi. Qalǵan 7 eldi mekende (1651 abonent elektr energiiasynsyz qalady) avariialyq brigadalar jóndeý-qalpyna keltirý jumystaryn júrgizedi.
Olar:
–Taldyqorǵan q. (2 ýchaske) – Úitas, Prigorodnoe (470 abonent)
– Alakól aýdany (1 ýchaske) – Beskól aýyly (291 abonent)
– Tekeli q. (1 ýchaske) – sh / a. Matallýrg (60 abonent)
– Kerbulaq aýdany (3 ýchaske) – Shanhanai aýyly, Qyzylmektep aýyly, Shaǵan aýyly (830 abonent). Kún ishinde Elektrmen jabdyqtaý qalpyna keltiriledi.
– Aýa-raiynyń nasharlaýyna bailanysty (qatty jel) 29.03.2022 jyly Almaty oblysy TJD-da tabiǵi sipattaǵy tótenshe jaǵdailarǵa jedel áreket etý úshin jedel shtab quryldy. Shtab oblystyq Azamattyq qorǵaý qyzmetterimen tyǵyz ózara is-qimyl ornatty. Qatty jeldiń saldaryn joiý boiynsha barlyq habarlamalar TJD jáne JAO kúshimen dereý pysyqtaldy, – dedi Tótenshe jaǵdailardy joiý basqarmasynyń bastyǵy, Azamattyq qorǵaý maiory Rinat Karandashev.
Aita keteiik, oblys ortalyǵyndaǵy zalal keltirilgen nysandary shahar basshysy Áset Masabaev aralap, qalpyna keltirý jumystaryn erekshe baqylaýyna aldy.
