جويقىن داۋىلدىڭ سالدىرىنان 10 – كوپپاتەرلى تۇرعىن ءۇي، 21 – ءبىلىم بەرۋ نىسانى، 2 - ساۋدا وبەكتىسى، 5 – وندىرىستىك نىسان، 10 – اكىمشىلىك عيمارات، 11 - تجب، 1 – ءدىني وبەكت، 2 – دەنساۋلىق ساقتاۋ مەكەمەسى، 1 – مۇ وبەكتىسى، 1 – اۋىل شارۋاشىلىعى وبەكتىسى، 2 – قىزمەت كورسەتۋ نىسانىنا زالال كەلدى.
سونداي-اق، جالپى اۋدانى 15408،5 ش.م. 66 شاتىردىڭ جابىنى ۇشىپ كەتكەن. قولايسىز اۋا-رايىنىڭ سالدارىنان 3 اۆتوكولىك زارداپ شەكسە، ەڭبەكشىقازاق اۋدانىندا 1 ادام جاراقات العان.
كەنەتتەن ورىن العان تابيعي قۇبىلىستىڭ كەسىرىنەن 83 ەلدى مەكەندەگى ەلەكتر ەنەرگياسى اجىراتىلعان. بۇگىندە 76 ەلدى مەكەندە ەلەكتر ەنەرگياسى قالپىنا كەلتىرىلدى. قالعان 7 ەلدى مەكەندە (1651 ابونەنت ەلەكتر ەنەرگياسىنسىز قالادى) اۆاريالىق بريگادالار جوندەۋ-قالپىنا كەلتىرۋ جۇمىستارىن جۇرگىزەدى.
ولار:
–تالدىقورعان ق. (2 ۋچاسكە) – ءۇيتاس، پريگورودنوە (470 ابونەنت)
– الاكول اۋدانى (1 ۋچاسكە) – بەسكول اۋىلى (291 ابونەنت)
– تەكەلى ق. (1 ۋچاسكە) – ش / ا. ماتاللۋرگ (60 ابونەنت)
– كەربۇلاق اۋدانى (3 ۋچاسكە) – شانحاناي اۋىلى، قىزىلمەكتەپ اۋىلى، شاعان اۋىلى (830 ابونەنت). كۇن ىشىندە ەلەكترمەن جابدىقتاۋ قالپىنا كەلتىرىلەدى.
– اۋا-رايىنىڭ ناشارلاۋىنا بايلانىستى (قاتتى جەل) 29.03.2022 جىلى الماتى وبلىسى تجد-دا تابيعي سيپاتتاعى توتەنشە جاعدايلارعا جەدەل ارەكەت ەتۋ ءۇشىن جەدەل شتاب قۇرىلدى. شتاب وبلىستىق ازاماتتىق قورعاۋ قىزمەتتەرىمەن تىعىز ءوزارا ءىس-قيمىل ورناتتى. قاتتى جەلدىڭ سالدارىن جويۋ بويىنشا بارلىق حابارلامالار تجد جانە جاو كۇشىمەن دەرەۋ پىسىقتالدى، – دەدى توتەنشە جاعدايلاردى جويۋ باسقارماسىنىڭ باستىعى، ازاماتتىق قورعاۋ مايورى رينات كارانداشيەۆ.
ايتا كەتەيىك، وبلىس ورتالىعىنداعى زالال كەلتىرىلگەن نىساندارى شاھار باسشىسى اسەت ماسابايەۆ ارالاپ، قالپىنا كەلتىرۋ جۇمىستارىن ەرەكشە باقىلاۋىنا الدى.
