Soltústik Qazaqstan oblysyna jumys sapary aiasynda Úkimet basshysy Oljas Bektenov ónimderi aýyl sharýashylyǵy, munai-gaz, temirjol salalarynda keńinen qoldanylatyn birqatar iri ónerkásiptik kásiporyndardyń jumysymen tanysty, - dep habarlaidy Dalanews.kz.
Oljas Bektenov Soltústik Qazaqstan oblysynyń ónerkásiptik áleýetimen tanysýdy óńirdiń baiyrǵy kásiporyndarynyń biri, ǵasyrlyq tarihy bar S.M. Kirov atyndaǵy zaýytty aralaýdan bastady.
Otandyq mashina jasaý salasyndaǵy kóshbasshylardyń biri bolyp tabylatyn zaýytta elektrondy jabdyqtardy ázirleý men óndirýdiń tolyq tsikly qamtylǵan. Osy jyldyń eki aiynda óndiris kólemi 9,5%-ǵa ósip, 193,7 mln teńgeni qurady. Zaýytta 487 adam jumys isteidi. Budan basqa, qazaqstandyq kásiporynda shyǵarylatyn Lenovo serverlerin qurastyrýǵa indýstriialyq sertifikat alyndy. Taǵy bir suranysqa ie ónim – elektrondy komponentterdi ornatýǵa arnalǵan 5+ dáldik klasyndaǵy 16 qabatty baspa platasy.
Premer-Ministr qorǵanys jáne azamattyq maqsattarǵa arnalǵan joǵary tehnologiialyq ónimderdiń árkelki túrlerin daiyndaý úderisimen egjei-tegjeili tanysty. Sonymen qatar jelini keńeitý boiynsha aldaǵy josparlar týraly habardar etildi.
«Biz jańa óndiristerdi igerip jatyrmyz. Atap aitqanda, elektromobilderge arnalǵan qýattaǵyshtardy shyǵarýdy josparlap otyrmyz. Taǵy bir tyń joba – arnaýly mekemelerde ornatylǵan antivandaldy telefondar. Kompiýterlik tehnologiia naryǵynda básekelesý qiyn bolǵanymen biz barynsha tyrysyp kelemiz. Ótken jyly 4 myńǵa jýyq kompiýter satyldy», — dedi Premer-Ministrge S.M. Kirov atyndaǵy zaýyttyń bas direktory Almaz Nurmaǵambetov. Ol sondai-aq óndiristik qýattardy odan ári arttyrý josparlary týraly habarlady.
Oljas Bektenov Petropavl aýyr mashina jasaý zaýytynyń tehnologiialyq jańǵyrtý nátijesimen de tanysty. Munda munai-gaz, energetika jáne temirjol salalarynda qoldanylatyn ónimderdiń keń jelisi shyǵarylady. Budan bólek, zaýyt memlekettik qorǵanys tapsyrystaryn oryndaidy.
«Memleket basshysy Qazaqstan halqyna Joldaýynda qorǵanys-ónerkásip keshenin jan-jaqty nyǵaitý eldiń ulttyq qaýipsizdigin qamtamasyz etýde sheshýshi ról atqaratynyn atap ótti. Lokalizatsiialaý deńgeii joǵary áskeri maqsattaǵy ónimderdi óndirý tsiklin qurý importqa táýeldilikti azaitýǵa múmkindik beredi. Sonymen qatar kásiporynnyń múmkindikterin temirjol jáne munai-gaz salasyndaǵy qajettilikterdi qamtý úshin paidalaný kerek», — dep atap ótti Oljas Bektenov. Úkimet otandyq zaýyttardyń ónimderiniń básekege qabilettiligin arttyrýǵa baǵyttalǵan qoldaý sharalaryn qabyldaýda.
Kelesi nysan munai ónerkásibine arnalǵan sorǵysh shtangalar shyǵaratyn «Munaimash» AQ kásiporny boldy. Ishki naryqtaǵy úlesi 90% bolsa, lokalizatsiia deńgeii 65-ten 75% deiin quraidy. Úkimet basshysy óndiris qarqynyn ulǵaityp, tereń uńǵymalar sorǵylarynyń importynan tolyq bas tartý úshin munai-gaz salasyndaǵy iri kásiporyndarmen ózara is-qimyldy nyǵaitý joldaryn qarastyrý kerektigin atap ótti. Búginde Úkimet pen biznestiń aldynda otandyq zaýyttarda óndiriletin ónim nomenklatýrasyn keńeitý arqyly elishilik qundylyqtardyń úlesin jyl saiyn ulǵaitý boiynsha ortaq mindet turǵany basa aityldy.
Polipropilen ydys shyǵaratyn iri kásiporyndardyń biri «SMBGROUP Family» JShS-ynda Oljas Bektenov elimizdiń jeńil ónerkásibiniń áleýetin arttyryp, syrtqy naryqqa shyǵý qajet ekenine toqtaldy. Qazaqstandyq óndirýshiniń konteinerleri ártúrli júk túrlerin tasymaldaýǵa, saqtaýǵa, tasymaldaýǵa arnalǵan, sonymen qatar ónerkásip pen logistikada keńinen qoldanylady. Biylǵy jyldyń eki aiynda ǵana jalpy quny 580 mln teńgeniń ónimi óndirilip, óndiris kólemi 13,8%-ǵa ósti.
Budan bólek, Premer-Ministr «Soltústik faner kombinaty» JShS jumysymen tanysty. Kásiporyn qazaqstandyq naryqtyń laminattalǵan fanerge degen qajettiliginiń 22%-yn qamtamasyz etedi. Ol iri qalalardaǵy qurylys alańdarynda qoldanylady jáne shetelge de eksporttalady. Byltyr óndiris kólemi 4,3 mlrd teńgeni qurap, 2022 jyldyń qorytyndysymen salystyrǵanda 32,6%-ǵa ósti.
«RimQazAgro» JShS qaǵaz ónimderi zaýytynda Oljas Bektenovke makýlatýrany qaita óńdeýdiń belgilengen tsikli kórsetilip, klasterdi odan ári damytý josparlary týraly baiandaldy. Fabrika 30-dan astam ónim túrin shyǵarady, olar elimizdiń barlyq óńirlerine jetkizilip, sondai-aq Reseige de eksporttalady. Kásiporyn aldyna halyq tutynatyn taýarlardyń eksportyn ulǵaityp, ishki naryqtaǵy úlesti ári qarai ulǵaitý mindeti júkteldi. Memleket pen otandyq biznestiń belsendi yntymaqtastyǵynyń jańa túrleri qarastyrylatyn bolady.
Nysandardy aralap shyqqan Premer-Ministr memleket óńdeý ónerkásibin jáne halyq tutynatyn taýarlardyń keń nomenklatýrasyn damytýǵa erekshe nazar aýdaryp otyrǵanyn atap ótti. Bul rette otandyq ónimniń sapasyna erekshe mán berý qajet. Ol úshin biznes úzdiksiz damyp, jańa óndiristerdi de igerýge tiis. Óz kezeginde Úkimet tarapynan qajetti qoldaý kórsetiletin bolady.
