Ulttyq quryltaidyń úshinshi otyrysynda jiynda estir qulaqqa jeter esti sóz aityldy, tiisti tapsyrmalar men nusqaýlyqtar berildi. Sektsiialarda aitylǵan usynystardyń basym bóligi qoǵam birligin odan ári nyǵaitýǵa, jalpyulttyq qundylyqtardy dáripteýge, eldiń ǵylymi, rýhani áleýetin kóterýge baǵyttalǵan. Sonyń ishinde QR Mádeniet jáne aqparat ministri Aida Balaevanyń moderatorlyǵymen «Mádeniet. Óner. Rýhaniiat» sektsiiasy da jarqyn jumys úlgisin kórsete aldy. Ádebiet, din jáne birqatar áleýmettik máseleleri keńinen talqylanǵan bul seksiiada aýyldyq jerlerde mádeni oshaqtar qataryn kóbeitý, jastar tárbiesine qatysty naqty qolǵa alý kerek máseleler de kóterildi.
Jańarý men jańǵyrýǵa negizdelgen keleli jiynnyń mándi tirkesi - «Adal adam – Adal eńbek – Adal tabys» boldy. Keiingi kezde únemi aitylyp júrgen «Adal» sózine jan-jaqty toqtalǵan Memleket basshysy eń birinshi aýyzbirshilikke shaqyrdy. Ideologiialyq tujyrymdamanyń negizgi baǵyttaryn tarqatyp aityp berdi.
Taǵy da bir qaitalap óteiin: bul – Táýelsizdik jáne Otanshyldyq, Birlik jáne Yntymaq, Ádildik jáne Jaýapkershilik, Zań jáne Tártip, Eńbekqorlyq jáne Kásibi biliktilik, Jasampazdyq jáne Jańashyldyq. Ultymyz osy ideialyq negizderdi basshylyqqa alsa, boljaýsyz jáne qarqyndy damyp kele jatqan HHI ǵasyrda laiyqty ornyn tabady. Qaǵidamyz – ádildik, tiregimiz – jaýapkershilik, maqsatymyz – órleý. Elimiz osy qundylyqtardy berik ustana otyryp, damý kókjiegin sózsiz keńeite túspek. Al árbir adal adam adal eńbegimen adal tabysqa jetedi, – dedi Qasym-Jomart Toqaev.
Daniiar BAIJUMANOV,
Jambyl atyndaǵy qazaq memlekettik akademiialyq
filarmoniiasynyń kórkemdik jetekshisi
