Solardyń biri maidan dalasynda jeńisti tý etip 17 jasynda soǵystyń alǵashqy ailarynan 1945 jylǵy mamyryna jetken jaýynger Shamshat Baekeev týraly shóberesi, 10 synyp oqýshysy Ǵaini Qasymjanova syr shertedi:
– Meniń atam Baekeev Shamshat Tomanuly óz erkimen nebári 17 jasynda soǵysqa attanyp, Kalinin maĭdanynyń №373 atqyshtar diviziiasynyń qataryna qosylady. Birinshi jaraqattan keĭin gospitalda emdelip, 1943 jyldyń maýsym aĭynda maĭdanǵa qaĭta suranyp, Kalinin maĭdanynyń №178 Qyzyl Týly atqyshtar diviziiasyna vzvod komandiri bolady.
1943 jyldyń tamyz aĭynda eldi mekenderdi azat etken shaĭqastardaǵy erligi úshin atam eki qaĭta «Erligi úshin» medalimen marapataldy. Sol kezdegi esten ketpes oqiǵalarynyń biri - atamnyń qazaqtyń batyr qyzy Áliia Moldaǵulovamen kezdesýi edi. Batyr qyzdyń ólimi úshin atam jaýdan eselep kek alýǵa ishteĭ ant beripti. Vorohliane-Rezenne qalalary úshin bolǵan surapyl aĭqastardaǵy erligi úshin atamnyń keýdesinde joǵary nagrada - «Qyzyl juldyz» ordeni jarqyrady. 1944 jyly Modona qalasyn jaýdan azat etý shaĭqasynda atam ekinshi ret jaralanyp, gospitalda eki aĭ emdelgennen keĭin, maĭdanǵa qaĭta suranyp bardy. Ol Qyzyl áskerdiń toqtamai shabýyl jasap, fashisterdi uiasyna qýǵan tariihi kezeń edi. Shámshat Tomanuly Berlinge jetip, “Germaniiany jeńgeni úshin» medalimen soǵysty aiaqtaĭdy. Osyndaĭ qiyndyq pen zardapqa, ot pen qanǵa, erlik pen qaĭsarlyqqa toly óziniń maĭdan jolymen atam Jeńisti jaqyndatty.
Atam men ájem ustazdyq qyzmetti atqara júrip, 10 balany dýniege ákelip, tárbie berdi. Atam mektepte tarihi- ólketaný murajaĭyn ashty. Eline qadirli, maĭdanger ustaz atamnyń erlik isteri, aýylyna sińirgen eńbegi elenip, aýyldyń ólketaný murajaĭyna jáne “Qarmaqshy” aýylynyń ortalyq kóshesine Shamshat Baekeevtyń esimi berildi. Atamdy kórmesem de, anamnyń atam ómiri jaĭynda aĭtqan áńgimeleri júregimde máńgi saqtalady.
Almaty qalasy Nazarbaev Ziiatkerlik mektebiniń baspasóz qyzmeti
