Qurylys jumysymen oblys ákimi Danıal Ahmetov arnaıy tanysyp, kásiporyndy iske qosý qarqynyn baqylap qaıtty.
Joba ınvestory «Qazaq-astyk group» JSHS kóp jyldar boıy bos turǵan ǵımarat aýmaǵynda jańa zaýyt qurylysyn bastap, búkil prosesti iske qosýǵa 11 mlrd teńgeden astam qarjy quıyp otyr.
Jospar boıynsha zaýyt kún saıyn myń tonna tazartylmaǵan maı óndiretin bolady. Sonymen qatar túrli konsentrattar men kúnbaǵys qabyǵynan otyn tabletkalary shyǵarylady. ⠀
Zaýyt 6 óndiristik alańǵa bólinedi - tuqymdardy bir mezgilde uzaq saqtaýǵa arnalǵan elevator, shıkizatty daıyndaýǵa arnalǵan dıirmen, maıdy tazartý sehy, avtomattandyrylǵan qazandyq, sondaı-aq daıyn ónimdi bir ýaqytta saqtaýǵa arnalǵan rezervýar.
Kásiporyn Shyǵys Qazaqstan oblysyndaǵy kúnbaǵys tuqymdarynyń 80% óńdep, jaqyn shetelderge de eksporttalatyn bolady.
– Jarty jyl buryn kelgenimde munda eshteńe joq edi. Degenmen, qysqa ýaqyt ishinde kóp jumys atqarylǵany kórinip tur. Ásirese, ınvestor Semeıdiń ózinen ekenin erekshe atap ótkim keledi. Bul jobaǵa olar El Prezıdenti Qasym-Jomart Kemeluly Toqaev atap ótkendeı, óńdeý sektory memlekettiń damýy úshin óte mańyzdy baǵyt. Bul birinshi kezekte ishki suranys problemalaryn sheshýge múmkindik beredi. Sáıkesinshe, zyǵyr, raps jáne kúnbaǵys egis alqaptary keńeıtiledi, – dedi óz sózinde oblys ákimi Danıal Ahmetov.
