Sońǵy jyldary Kúrshim aýdanyndaǵy Maraldy aýylynyń mektebinde oqýshylar sany azaiyp barady. Úsh jyl buryn 126 bala bolsa, qazir 85 bala qalǵan. Al 1993 jyly salynǵan mektep ǵimaraty 600 oqýshyny syiǵyza almaǵan edi.
Áleýmettik jelilerde tarap jatqan ShQO-daǵy qazba bailyqtaryn paidalanýshylarǵa qatysty syni sipattaǵy túrli aqparatqa bailanysty jergilikti BAQ ókilderi memlekettik organdar men sarapshylarmen kezdesý ótkizgen bolatyn.
Atalǵan jiynda ShQO bilim basqarmasynyń basshysy Maraldy aýylyndaǵymektepte bilim alýshylar sanynyń jyldan-jylǵa qysqaryp bara jatqanyn málimdedi.
– Sońǵy úsh jylda Maraldy aýylynyń orta mektebinde balalar sanynyń azaiýy baiqalady. Aitalyq, úsh jyl buryn 126 bala bolsa, ótken oqý jylynda 105 bala bolǵan. Qazirgi kezde 85 bala bar. Onyń ishinde 68 bala – 1-11 synyp oqýshylary, qalǵandary – shaǵyn ortalyqtyń tárbielenýshileri. Balalar sany nege kemip barady? Óitkeni, halyqtyń aýyldan kóship ketýi jalǵasyp jatyr, bylai jalǵasa berse aýylda eshkim qalmaýy da múmkin, – deidi ShQO bilim basqarmasynyń basshysy Innesa Chernysheva.
Sala basshysynyń pikirinshe, halyq kóshýine áleýmettik jaǵdai yqpal etedi. Adamdar úshin ómirdiń sapasy mańyzdy turmys sapasy bilimnen bólek ózge salalarǵa da bailanysty. Máselen, ókinishke qarai, qazirgi kezde aýyldaǵy kósheler men joldardyń jaǵdaiy kóńil kónshitpeidi deýge bolady.
– Atap óterligi, aýyldaǵy mektep 1993 jyly salynǵan, ol 400 orynǵa shaqtalǵan ǵimarat. Onda 600 oqýshyǵa deiin bilim ala alady. Aýyldyń bul rette keleshegi bar. Sondyqtan Maraldy tartymdy eldimekenge ainalýǵa tiis, – dep oiyn bildirdi basqarma basshysy. – Aýylda balabaqsha joq, tek balalarǵa arnalǵan oiyn alańy ǵana bar. Búgingi tańda balalardyń jan-jaqty damýy úshin barlyq jaǵdai jasaý týraly mindet qoiylyp otyr, iaǵni sapaly bilim berý ortasyn qurý qajet. Bul – Memleket basshysynyń da, oqý-aǵartý ministrliginiń de talaby.
Mektepte qazir 49 aýyl turǵyny eńbek etýde. Onyń ishinde 24-i – pedagog, ózgeleri – qosalqy qyzmetkerler. Iaǵni, mektep aýyldyqtar úshin eń úlken jumys orny bolyp otyr.
