Aqtaýda júkti áielderdi jalǵan jumysqa ornalastyrýǵa bailanysty alaiaqtyq isi boiynsha sot úkimi shyqty, dep habarlaidy Dalanews.kz.
Býhgalter kásibi bilimin paidalanyp, júkti áielderdi qoldaýǵa arnalǵan memlekettik áleýmettik tólemdi zańsyz alý shemasyn uiymdastyrǵan.
Ol qatysýshylardy tartý úshin Instagram-da ózin áleýmettik tólem rásimdeý jónindegi maman retinde tanystyryp, járdemaqy kólemin arttyrýǵa kómektesetinin ýáde etken. Shemany júzege asyrý úshin týystary men tanystarynyń atyna naqty jumys istemegen birneshe jeke kásipker tirkelgen.
Jeke kásipkerler men osy iske tartylǵan tulǵalardyń elektron tsifrlyq qoltańbalaryn paidalanǵan býhgalter jalǵan jumysqa qabyldaý týraly buiryqtardy, esep aiyrysý tizimin, eńbek sharttary jáne ózge de býhgalterlik qujattardy daiyndap, zańdy eńbek qatynasy bar degen jalǵan kórinis qalyptastyrǵan.
Osy áreketter saldarynan memleketke 146 mln teńge kóleminde zalal kelgen.
Qylmystyq jolmen kelgen qarajatqa úsh bólmeli páter satyp alynyp, tergeý barysynda oǵan tyiym salynǵan. Sot úkimimen aiyptalýshyǵa 5 jylǵa bas bostandyǵynan aiyrý jazasy taǵaiyndaldy. Páter memleket kirisine tárkilendi. Úkim zańdy kúshine endi.
