Atyraýdaǵy munai óńdeý zaýytynda aýqymdy ekologiialyq talaptardyń buzylǵany belgili boldy. Tekserý qorytyndysy boiynsha kásiporynǵa júzdegen million teńge kóleminde aiyppul salyndy, dep habarlaidy Dalanews.kz.
Ekologiia departamenti júrgizgen jospardan tys tekserý barysynda býlaný alańdarynan diametri 500 mm bolatyn jasyryn qubyr anyqtalǵan. Mamandardyń aitýynsha, osy qubyr arqyly óndiristik aǵyn sýlar zańsyz túrde ashyq topyraqqa tógilgen.
Nátijesinde eki ýchaskede tógilgen qaldyq sý kólemi 44 myń tekshe metrden asqan. Lastanǵan aýmaqtyń jalpy kólemi shamamen 3 gektardy quraidy.
Budan bólek, tekseris kezinde atmosferalyq aýany qorǵaý talaptarynyń da óreskel buzylǵany anyqtaldy. Kásiporynnyń birqatar statsionarlyq kózderinde otyn jaǵý kezinde ruqsat etilgen shyǵaryndylar boiynsha esepter men normativterdiń joq ekeni belgili boldy.
Sondai-aq zaýyttyń jospardan tys toqtaýlary kezinde apatty shyǵaryndylar tirkelgen. Sonyń saldarynan atmosferaǵa shamamen 40 myń tekshe metrge jýyq otyn gazy taraǵan.
Sot qaýlysymen "AMÓZ" JShS ákimshilik jaýapkershilikke tartyldy. Jalpy salynǵan aiyppul kólemi 520 547 007 teńgeni qurady.
Alaida kásiporyn bul sheshimmen kelispeitinin málimdep, sot úkimin qaita qaraýǵa nietti ekenin jetkizdi.
