Abai oblysynda kópbalaly ana adam saýdasy úshin sottaldy, dep habarlaidy Dalanews.kz.
Sot málimetinshe, Aiagóz turǵyny 2024-2025 jyldary áleýmettik osal jandardy taýyp, senimine kirgen. Olardy jumysqa ornalastyrýdy syltaý etip, sharýa qojalyqtaryna jiberip otyrǵan. Al sol úshin tólengen 100-400 myń teńge aralyǵyndaǵy qarajatty ózi iemdengen.
Is boiynsha barlyǵy bes epizod anyqtalǵan. Kei jaǵdailarda áiel jábirlenýshilerdiń erkin júrip-turýyna shekteý qoiyp, qysym kórsetip, ishimdikke táýeldi etken.
Sot jeńildetetin mán-jai retinde aiyptalýshynyń kinásin tolyq moiyndaýyn, ókinýin, keltirilgen shyǵyndy óteýin, jábirlenýshilermen tatýlasýyn, jasyn jáne "Kúmis alqa" iegeri ekenin eskerdi.
Jábirlenýshiler ony bas bostandyǵynan aiyrmaýdy suraǵanymen, sot 6 jylǵa naqty jaza taǵaiyndady. Úkim zańdy kúshine endi.
